Шахмат олимпиадаси. Ўзбекистон сўнгги турда Украина билан ўйнайди
Ўзбекистонни дуранг натижа ҳам қониқтириши мумкин.
**Шахмат олимпиадаси. Ўзбекистон сўнгги турда Украина билан баҳс олиб боради**
46-Бутунжаҳон шахмат олимпиадасининг якуний — 11-турида Ўзбекистон асосий жамоаси Украина билан куч синашади.
Украина 10-турда Хитойни 3:1 ҳисобида енгиб, 16 очко билан турнир жадвалида 4-ўринга кўтарилди. Бу жамоа Игор Коваленко, Васил Иванчук, Игор Самуненков ва Роман Дегтияров каби кучли шахматчилардан иборат.
10 турдан сўнг Ўзбекистон-1 18 очко билан якка пешқадам бўлиб турибди. Энг яқин таъқибчи — Ҳиндистон ҳисобида 17 очко бор.
Ҳиндистоннинг сўнгги турдаги рақиби турнир жадвалида 5-ўринда бораётган Венгрия бўлади.
Ўзбекистон Украина устидан ғалаба қозонса, бошқа натижалардан қатъи назар Олимпиада чемпионига айланади.
Шунингдек, Ўзбекистон учун дуранг ҳам етарли бўлиши мумкин: бу ҳолатда Ҳиндистон ғалаба қозониб, очколар сони бўйича тенглашса ҳам, қўшимча кўрсаткичлар ҳисобга олинади. Ҳозир Ўзбекистонда 378, Ҳиндистонда 343,5 (катта устунлик).
Ўзбекистон мағлуб бўлса ҳам, чемпионлик имконияти сақланиб қолади. Бунинг учун Ҳиндистон дуранг ёки мағлубият қайд этиши керак бўлади.
Баҳслар соат 11:00 да бошланади.