Савдо-саноат палатаси мансабдори порани қайтариб бераётганда ушланди
У фуқарога деҳқон хўжалиги ташкил этиши учун ауксион орқали 2 гектар ер майдони олиб беришини
Савдо-саноат палатаси мансабдори порани қайтараётган пайтда қўлга олинди
Сурхондарё вилоятида Савдо-саноат палатасининг туман бўлими бошлиғи ушланган.
Бош прокуратура ҳузуридаги Департаментнинг Қизириқ тумани бўлими ва бошқа ҳуқуқни муҳофаза қилувчи органлар ходимлари ҳамкорлигида тезкор тадбир ўтказилди.
Унда Савдо-саноат палатаси Қизириқ тумани бўлими бошлиғи M.Ch. фуқаро О.B.ga деҳқон хўжалиги ташкил этиши учун ауксион орқали 2 гектар ер майдони олиб беришини ваъда қилган. Кейин фирибгарлик йўли билан қўлга киритган 5 млн сўмни О.B.ga қайтариб берган вақтда ашёвий далиллар билан ушланди.
Мазкур ҳолат бўйича Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари олиб борилмоқда.
Аввалроқ Прокуратура департаменти Экология ва кадастрлар палатаси ходимлари тезкор тадбирда ушланганини хабар берганди.