Сатпаев Чемпионшип клубига ижарага берилди
Сатпаев Чемпионшип клубига ижарага берилди
18 ёшли қозоғистонлик ҳужумчи Дастан Сатпаев 2026/2027-йилги мавсумни “Бёрнли” жамоасида ижара асосида ўтказади. Бу ҳақда клуб матбуот хизмати маълум қилди.
Романонинг хабарига кўра, клублар ўртасидаги келишувда футболчини сотиб олиш ҳуқуқи белгиланмаган. Сатпаев кейинги мавсум якунида Лондон клубига қайтади.
“Бёрнли” 2025/2026-йилги Англия Премьер Лигаси мавсумини 19-ўринда, яъни турнир жадвалининг сўнгги поғонасидан бир поғона юқорида якунлаб, юқори дивизионни тарк этган ва Чемпионшипга тушиб кетган.
Аввал “Қайрат” сафида тўп тепган Сатпаев жорий ёзда “Челси” сафига қўшилганди. Трансфермаркт маълумотларига кўра, футболчининг бозор қиймати 3,5 миллион еврони ташкил этади.
Маълумот учун, “Челси” Сатпаевни 2025-йил январ ойида “Қайрат”дан 4,3 миллион еврога сотиб олганди. Қозоғистонлик ҳужумчи Лондон клуби сафида “Вестерн Сидней” жамоасига қарши ўртоқлик ўйинида майдонга тушиб, илк голини киритган эди.