Руминия Россияга боğлиқ диверсия тармоğини аниқлаганини билдирди
Руминия иçки разведка хизмати - СРИ Россия махсус хизматлари мувофиқлаşтиргани айтилаётган диверсия тармоğи фаолиятини фоş этганини маълум қилди. Идорага кöра, гуруҳ сентабрда Браşов şаҳридаги Сарфил қурол заводига öт қöйиşга уринган. Гумондорлар орасида икки беларус ва бир украиналик бор.
Руминия Россияга алоқадор диверсия тармоғини фош қилганини маълум қилди
СРИ 26-октабр куни эълон қилган баёнотга кўра, заводга ўт қўйишга уриниш 14-сентабрда юз берган. Руминия разведкаси бу тармоқ Россия махсус хизматлари томонидан бевосита бошқарилганини даъво қилмоқда.
Реутерс келтирган баёнотда айтилишича, Россиядаги мувофиқлаштирувчилар гуруҳга минтақадаги нишонларнинг кенг рўйхатини берган. Улар орасида давлат ва хусусий қурол ишлаб чиқариш корхоналари, шунингдек, ҳарбий ва саноат аҳамиятига эга бошқа обьектлар бўлган.
Агентлик Россиянинг Бухарестдаги элчихонасидан тезкор изоҳ ололмаган. Москва аввал ҳам шунга ўхшаш айбловларни бир неча бор рад этган.
Икки гумондор Германияда ушланган
Руминиянинг Șтири телеканали маълумотига кўра, гумондорларнинг икки нафари Германияда шунга ўхшаш диверсияларга тайёргарлик кўраётган пайтда қўлга олинган. Учинчиси Полшада қидирилмоқда.
Бухарест уларни Руминияга экстрадиция қилишга эришишга ҳаракат қилмоқда.
Руминия ташқи ишлар вазири Дан Николаеску Браşовдаги ҳодисани Европада мудофаа саноатига қарши қаратилган кенгроқ диверсия кампаниясининг бир қисми деб атаган, деб хабар берди АФП.
Мамлакат президенти Никуşор Дан ҳам аввалроқ Руминияни Россия олиб бораётган гибрид уруш нишонларидан бири сифатида таърифлаган. Унинг фикрича, бундай ҳаракатлар Украинани қўллаб-қувватлаётган давлатларда вазиятни беқарорлаштиришга қаратилган.
Ёллаш оддий топшириқлардан бошланади
СРИ маълумотига кўра, бундай ҳаракатлар учун ижрочилар одатда ижтимоий тармоқлар орқали ёлланади. Дастлаб уларга пул эвазига безарар кўринадиган вазифалар — муайян обьектни кузатиш ёки суратга олиш таклиф қилинади.
Кейинчалик топшириқлар оғирлашиб, вандализм, ўт қўйиш ёки ҳатто қотиллик каби жиноятларни қамраб олиши мумкин, дейилади разведка баёнотида.
Тҳе Валл Стреет Жоурнал 20-октабрда АҚШ махсус хизматлари хулосалари билан таниш уч нафар европалик амалдорга таяниб, Россия президенти Владимир Путин НАТО давлатларига қарши диверсияларни кучайтириш ҳақида шахсан топшириқ берганини ёзган эди.