Россияда хорижий иşçилар реестри тайёрланмоқда: мигрантлар уçун нималар öзгаради?
Россияда электрон реестр, иşга жойлаşиşга қöйиладиган янги талаблар ва қöşимçа харажатлар билан хорижий иşçиларни уюşган ҳолда иşга қабул қилиş тизимини жорий этиş режалаşтирилмоқда. Тажрибанинг биринçи босқиçи 2027-йил 1-мартдан кейин боşланиşи мумкин. Тахмин қилинаётган öзгариşлар хорижий давлатлар фуқароларига, şунингдек, Россияда аллақаçон иşлаётган мигрантларга қандай таъсир қилади?
Россияда хорижий ищилар реестри тайёрланмоқда: мигрантлар учун нималар ўзгаради?
Россияда хорижий ищиларни уюшган тарзда ишга қабул қилиш тизимини (оргнабор) жорий этиш режалаштирилмоқда.
Тажрибанинг биринчи босқичи 2027-йил 1-мартдан, иккинчиси эса 2029-йил 1-январдан кейин бошланиши кутилмоқда. Ҳозирча гап лойиҳа ҳақида кетмоқда, шу боис якуний муддатлар ва қоидалар қабул қилинадиган қонунга боғлиқ бўлади.
Янги тизимга кўра, чет элликлар зарур ходимлар сони, уларнинг лавозими ва ёллаш шартларини олдиндан кўрсатган аниқ бир иш берувчининг қўлида ишлаш учун келади. Амалдаги рухсат берувчи ҳужжатлар ўрнига иш берувчилар ва ходимларнинг электрон реестрларидан фойдаланиш режалаштирилмоқда.
Тажриба Москва шаҳри ва Москва вилоятидан ташқари бутун Россияни қамраб олиши керак. Айрим тоифадаги чет элликлар, жумладан, Беларус фуқаролари ва юқори малакали мутахассислар янги тартибдан озод этилиши кутилмоқда.
Қирғизистон ва Қозоғистон фуқаролари ҳозир Евроосиё иқтисодий иттифоқига (ЕОИИ) аъзо бошқа давлатлар фуқаролари каби Россияда патенциз ва ишлаш рухсатномасиз меҳнат қилиши мумкин. Лойиҳанинг ўзи бу ҳуқуқларни бекор қилмайди. Бироқ уларнинг янги реестрда рўйхатдан ўтиши талаб этиладими-йўқми, деган масала қонуннинг якуний матни билан тартибга солиниши керак. Тузатишларнинг аввалги вариантларидан бирида ЕОИИ фуқароларини ходимлар реестрига киритганлик учун давлат божидан озод қилиш кўзда тутилган эди.
Уюшган танловда иштирок этиш учун иш берувчи Россия ИИВ реестрида рўйхатдан ўтиши ва вазирлик қошидаги «Паспорт-виза хизмати» орқали талабнома топшириши керак бўлади. Унда ходимлар сони, иш жойи ва ёллаш шартлари кўрсатилиши лозим. Меҳнат шартномасини бир йилга тузиш режалаштирилмоқда ва унинг шартлари, жумладан, иш жадвали ҳам талабномага мос келиши керак. Шунингдек, иш ҳақи ва ижтимоий кафолатларни ўзгартириш имконияти ҳам назарда тутилган.
Иш берувчиларга ходимларни геном бўйича рўйхатга олиш харажатларини тўлаш ва зарурат туғилганда, уларни депортация қилиш бўйича давлат харажатларини қоплаш мажбурияти юклатилиши мумкин. Компания 15 нафардан ортиқ чет элликни ишга ёлласа, уларни меҳнат шартномаси амал қилиш муддати давомида уй-жой билан таъминлаши шарт бўлади. Жисмоний шахслар учун эса ёлланма мигрантлар сонини беш нафардан оширмаслик бўйича чеклов ўрнатиш таклиф этилмоқда.
Чет эллик ищилар тизимда рўйхатдан ўтиши, уч йил муддатга идентификация картасини олиши ва тиббий кўрикдан ўтиши лозим бўлади. Ҳужжатларни расмийлаштириш вақтида уларни «миграция меҳмонхоналари» деб аталувчи жойларга жойлаштириш режалаштирилган. Бунда картанинг уч йиллик амал қилиш муддати меҳнат шартномаси ҳам уч йилга тузилишини англатмайди.