Россияда қийин вазиятга тушиб қолган ўзбекистонликларга уйга қайтишга ёрдам берилади

Россияда оғир ҳаётий вазиятга тушиб қолган ва уйига мустақил равишда қайтишга имкони бўлмаган Ўзбекистон фуқароларига ватанга қайтишда ёрдам кўрсатилади, жумладан, транспорт харажатлари қоплаб берилади.

Ёрдам сўраб Ўзбекистон Миграция агентлигининг Россиядаги ваколатхонасига ёки унинг ҳудудий филиалларига мурожаат қилиш мумкин.

Агентлик ёрдам сўраб мурожаат қилишни кечиктирмасликка чақирди. Ҳар бир мурожаат алоҳида кўриб чиқилади, мутахассислар эса амалий ёрдам кўрсатишга тайёр. Агентликнинг Россиядаги ваколатхонаси ва унинг ҳудудий филиаллари туну кун ишлайди.

Агар фуқаронинг уйга қайтиш йўл ҳақини мустақил тўлашга имконияти бўлмаса, Ўзбекистонга қайтиш харажатлари қоплаб берилади.

Боғланиш учун колл-марказнинг +7 (499) 230-00-32 ва +7 (499) 230-00-76 телефон рақамлари, шунингдек, +7 (925) 045-47-44 ишонч телефони мавжуд.

Ҳудудий вакиллар Россиянинг турли шаҳарларида фаолият юритмоқда:

Санкт-Петербург: +7 (951) 680-95-97, +7 (965) 772-70-79;

Екатеринбург: +7 (936) 251-76-21, +7 (922) 186-35-66;

Самара: +7 (925) 750-87-57;

Новосибирск: +7 (925) 743-89-03, +7 (932) 327-00-04;

Краснодар: +7 (918) 173-00-09;

Владивосток: +7 (964) 431-16-16.

«Биз сизга уйга қайтишингизда ёрдам беришга тайёрмиз», — дейилади агентлик хабарида.

Бундан аввалроқ Швеция ва Польша миграция қонунчилигини бузган 27 нафар депортация қилинган Ўзбекистон фуқароси бўлган чартер рейси Тошкентга етиб келган эди.