Россия Нестлé ва Аучан активларини ташқи бошқарувга ўтказди
Россия президенти Владимир Путин Нестлé ва Аучан каби қатор хорижий компанияларнинг мамлакатдаги активларини «вақтинчалик бошқарув»га ўтказиш тўғрисида фармон имзолади. Натижада хорижий мулкдорларнинг ушбу активларни мустақил бошқариш имконияти чекланади.
Россия Нестлé ва Аучан активларини ташқи бошқарувга топширди
17-сентабр куни фармон Россиянинг ҳуқуқий ахборот расмий порталида эълон қилинди. Реутерс хабарига кўра, Швейсариянинг Нестлé озиқ-овқат консерни ҳамда Франсиянинг Аучан чакана савдо гуруҳига тегишли Россиядаги активлар «L.Ye.В. Менеджмент» компаниясининг вақтинчалик бошқарувига ўтказилган.
ДВ маълумотига кўра, фармон жами 81 та корхонадаги аксия ва улушларни қамраб олади. Рўйхатда Нестлéънинг Россиядаги тузилмалари, Аучанънинг шўба корхоналари, шунингдек, Франсиянинг ФМ Логистисс ва НГ Сонсепт логистика компаниялари билан боғлиқ активлар ҳам бор.
Бундан ташқари, Лерой Мерлин томонидан Россияда ташкил этилган «Ле Монлид» компаниясидаги айрим улушлар ҳам «вақтинчалик бошқарув»га берилган.
Янги фармонга мувофиқ, активларни бошқариш «L.Ye.В. Менеджмент» компаниясига топширилди.
Россия 2023-йилдан бери айрим хорижий компаниялар активларини «вақтинчалик бошқарув»га ўтказиш механизмидан фойдаланиб келмоқда. Бу механизм аввал Даноне ва Сарлсберг каби компанияларнинг Россиядаги активларига нисбатан ҳам қўлланган.
Реутерс таъкидлашича, Россия Украинага қарши кенг кўламли уруш бошланганидан сўнг хорижий компаниялар активлари устидан назоратни кучайтирган. 2023-йилда имзоланган фармон Москвага Россия «дўст бўлмаган» деб ҳисоблайдиган давлатлар компанияларининг активларини вақтинчалик бошқарувга ўтказиш имконини берган.
Нестлé Россия бозорида фаолиятини давом эттириб келаётганини ва буни аҳоли учун асосий озиқ-овқат маҳсулотларини етказиб бериш зарурати билан изоҳлаган. Компания Реутерсъга аввалроқ унинг активларини вақтинчалик бошқарувга ўтказиш бўйича Россия расмий идораларидан мурожаат олмаганини билдирган.