Рақобат қўмитаси маҳаллий авиарейслар кечикканда йўловчиларга компенсация тўланиши ҳолатларини ўрганмоқда
Авиакомпаниялар устидан шикоятлар бир йилда 4 баробарга ошди. Одамлар рейсларнинг соатлаб кечикиши, ўз вақтида аниқ маълумот берилмаслиги ва хизмат сифатидан норози. Рақобат қўмитаси маҳаллий авиарейслар ташувчининг айби билан кечикканда йўловчиларга компенсация тўланиши ҳолатларини ўрганмоқда. Шикояти бор истеъмолчилар қўмитага мурожаат қилиши сўралмоқда.
Рақобат қўмитаси маҳаллий авиарейслар кечикканида йўловчиларга компенсация берилиши ҳолатларини текширмоқда
“Таҳлилларга кўра, айрим ҳолларда ташувчининг айби билан кечиккан рейслар учун йўловчиларга компенсация ёки муқобил ечим таклиф этилмаган. Бу эса фуқароларнинг вақти, маблағи ва режаларига жиддий таъсир кўрсатмоқда.
Қўмита маҳаллий авиарейслар ташувчининг айби билан кечикканда йўловчиларга компенсация тўланиши ҳамда истеъмолчилар ҳуқуқларига риоя этилиши ҳолатларини очиқ манбалар асосида ўрганмоқда.
Юқоридагиларга кўра, авиакомпаниялардан рақамли платформаларидаги ахборотларни тўлиқ тақдим этиш ва қонунчиликка мувофиқлаштиришларини, фуқаролардан эса ушбу соҳадаги ўз таклиф ва эътирозлари юзасидан Рақобат қўмитасига мурожаат этишларини сўраймиз”, – дейилади расмий баёнотда.