Raiffeisen Bank International Марказий Осиёни бизнесни кенгайтириш учун янги йўналиш сифатида кўриб чиқмоқда
Raiffeisen Bank International Марказий Осиёни бизнесни кенгайтириш учун янги йўналиш сифатида кўрмоқда
Австриянинг Raiffeisen Bank International банк гуруҳи Марказий Осиёни янги ўсиш векторига айлантиришни режалаштирмоқда ва ушбу минтақада активларни сотиб олиш имкониятини кўриб чиқмоқда. Бундай қадам банкка унинг Россиядаги шўъба корхонаси билан боғлиқ 3,15 миллиард евро тушиши кутилаётган бир пайтда тайёрланмоқда.
Bloomberg хабарига кўра, яқин ҳафталарда бош директор Михаэль Хеллерер Марказий Осиё мамлакатлари янги ўсиш нуқталари сифатида белгиланган янгиланган стратегияни тақдим этиши кутилмоқда. Молия институти вакилининг таъкидлашича, ғарб компаниялари таъминот занжирларини қайта қурмоқда, минтақа давлатлари эса Ғарбга тобора фаолроқ интилмоқда, шу боис банк ушбу ўзгаришларга мослашиш вариантларини диққат билан ўрганмоқда. Шу билан бирга, мақсадли активларни сотиб олиш бўйича аниқ музокаралар ҳозирча олиб борилмаяпти.
Банк минтақадаги мавқеини мустаҳкамлаш учун аллақачон қадамлар ташлашни бошлаган. Жорий йилнинг июнь ойида Raiffeisen инвесторларнинг Ўзбекистон қимматли қоғозларига, жумладан, давлат облигацияларига киришини кенгайтирди. Бундан ташқари, компания Қозоғистонда лизинг бизнесини бошқаради. Экспертларнинг таъкидлашича, Марказий Осиё банкнинг турдош бозорлардаги иш тажрибаси ҳамда савдони молиялаштириш ва тўловлардаги кучли мавқеи туфайли унга жуда мос келади.
Марказий Осиё минтақасига кириб бориш учун молиявий асос бўлиб Австрия судининг Rasperia Trading компанияси активларини Raiffeisen'га ўтказиш тўғрисидаги қарори бўйича олинган маблағлар хизмат қилади. 3,15 миллиард евро миқдоридаги тўлов банкнинг бир пайтлар энг сердаромад бўлган Россия шўъба корхонасидан капитални биринчи билвосита чиқариб олиш бўлади. Ушбу кутишлар фонида кредитор акциялари жорий йилда 71 фоизга ўсди. Шу билан бир қаторда, банк Руминия шўъба корхонасини 591 миллион еврога ва Болқон кредиторини 517 миллион еврога сотиб олиш бўйича битимларни якунламоқда.