Рафиня Мессининг натижасини такрорлади
Рафиня Мессининг натижасини такрорлади
Каталониянинг “Барселона” жамоаси футболчиси Рафиня Испания Ла Лигасининг 4-турида “Валенсия”га қарши ўйинда (5:0) гол урди. Бразилиялик футболчи 50-дақиқада киритган бу гол унинг жорий мавсумдаги олтинчиси бўлди.
Шу тариқа, 29 ёшли Рафиня Ла Лиганинг дастлабки тўрт турида 6 та гол уриб, Лионел Мессининг ноёб натижасини такрорлади. Аргентиналик ҳужумчи бундай кўрсаткичга 2012/13 ва 2013/14-йилги мавсумларда эришган. Эътиборлиси, ХХИ асрда Испания чемпионатида бунгача ҳеч бир футболчи бундай сермаҳсулликни қайд эта олмаган.
Тўрт тур якунига кўра, Рафинянинг ҳисобида жами 6 та гол ва 1 та голли узатма бор. “Барселона” эса юз фоизлик натижа билан турнир жадвалида яққол пешқадамлик қилмоқда.
Маълумот учун, Рафиня 2022-йилда Англиянинг “Лидс” клубидан 58 миллион евро эвазига “Барселона”га трансфер қилинган эди.