Қозоғистон Тошкент йўналишида «аёллар вагонлари»ни йўлга қўймоқда

Қозоғистон 2026 йил 1 октябрдан бошлаб илк бор Олмаота – Тошкент йўналишидаги №1/2-сонли халқаро поездда «аёллар вагони»ни жорий этади. Махсус вагонга фақат аёл йўловчилар ва етти ёшгача бўлган (етти ёш ҳам киради) ўғил болалар қўйилади.

Ҳозирда поезд ҳар куни қатнамоқда. У Олмаотадан соат 19:05 да жўнаб кетиб, эртаси куни соат 12:53 да Тошкентга етиб келади. Тошкентдан таркиб соат 14:41 да йўлга чиқади ва Олмаотага соат 08:51 да етиб боради. Ҳар бир пункт учун маҳаллий вақт кўрсатилган.

«Йўловчи ташиш» АЖ раҳбари Ануар Ахметжановнинг сўзларига кўра, ички йўналишларда ушбу хизматга талаб жуда юқори — ишга туширилган пайтдан бошлаб ундан 946 мингдан ортиқ киши фойдаланган. Янги таркиб қўшилганидан кейин аёллар вагонлари бўлган йўналишлар сони, Олмаотадан Тошкентгача бўлган рейсни ҳам қўшганда, 14 тагача кўпаяди.

Бундай вагонларнинг ўзига хослиги нафақат чипталарнинг фақат аёлларга сотилишида, балки уларга фақат аёл кузатувчилар (проводницалар) хизмат кўрсатишида ҳамдир.

Чипталарни сафардан 45 кун олдин сотиб олиш мумкин. Банд қилиш пайтида ихтисослаштирилган вагондаги жой «ЖН» маркировкаси билан белгиланади.