Қайси автомобиллар нархини энг тез йўқотиши маълум бўлди
Автомобиллар беш йил давомида дастлабки қийматининг турлича қисмини йўқотади. Янги тадқиқотга кўра, Порсче 718 Сайман нархини энг яхши сақлайдиган модел бўлган бўлса, Ниссан ЛЕАФ беш йил ичида энг кўп арзонлайдиган автомобил сифатида қайд этилди. Электромобиллар эса қийматини энг тез йўқотаётган автомобиллар орасида кўпчиликни ташкил қилди.
Қайси автомобиллар нархи энг тез тушиши аниқланди
иСееСарс автомобил тадқиқот агентлиги 2026-йилда автомобилларнинг беш йил ичида қанча қиймат йўқотишини таҳлил қилди.
Рейтинг 2025-йил мартидан 2026-йил февралигача сотилган, ишлаб чиқарилганига беш йил бўлган 950 мингдан ортиқ ишлатилган автомобил маълумотлари асосида тузилди. Барча нархлар 2026-йилдаги доллар қийматига мос равишда қайта ҳисобланган.
Тадқиқотда ҳар бир моделнинг иккиламчи бозордаги ўртача нархи ишлаб чиқарувчи белгилаган дастлабки тавсия этилган чакана нарх — МСРП билан солиштирилди. Автомобил қанчалик кам арзонлаган бўлса, у беш йилдан кейин дастлабки қийматининг шунчалик катта қисмини сақлаб қолган ҳисобланади.
Порсче 718 Сайман энг кам қиймат йўқотди
Тадқиқот натижаларига кўра, энг яхши кўрсаткич Порсче 718 Сайман моделида қайд этилди. У беш йил ичида дастлабки қийматининг атиги 9,6 фоизини йўқотади.
Пул ҳисобида бу автомобилнинг ўртача 6 988 долларга арзонлашишини англатади. Моделнинг дастлабки тавсия этилган чакана нархи тахминан 72,8 минг долларни ташкил этган.
Иккинчи ўринни Порсче 911 эгаллади — у беш йилда 11,1 фоиз қиймат йўқотади. Учинчи ўринда Чевролет Сорветте бўлиб, унинг нархи шу даврда 18,7 фоизга пасаяди.
Умуман олганда, спорт автомобиллари нархини энг яхши сақлайдиган моделлар орасида юқори натижа кўрсатган. Рейтингнинг дастлабки етти поғонасидан тўрттасини спорт автомобиллари — Порсче 718 Сайман, Порсче 911, Чевролет Сорветте ва Субару БРЗ эгаллаган.
Бу айрим спорт ва автомобил ишқибозларига мўлжалланган моделлар дастлабки нархи нисбатан юқори бўлишига қарамай, иккиламчи бозорда ўз қийматини ўртача автомобилларга нисбатан яхшироқ сақлаб қолишини кўрсатади.
Тоёта моделлари ҳам юқори ўринларда
Нархини яхши сақлайдиган автомобиллар рейтингида Тоёта моделлари ҳам салмоқли ўрин эгаллаган.
Хусусан, Тоёта Тасома беш йилда дастлабки қийматининг 19,9 фоизини йўқотиб, рейтингда тўртинчи ўринни эгаллаган. Тоёта Тундра эса 21,2 фоизлик арзонлашиш билан бешинчи ўринда қайд этилган.
Умуман, қийматини энг яхши сақлайдиган автомобиллар рўйхатига Тоётаънинг еттита модели кирган. Улар орасида пикаплар, йўлтанламаслар, ихчам автомобиллар ва минивенлар бор. Бу юқори қолдиқ қиймати Тоётаънинг фақат битта модели ёки автомобил турига эмас, балки турли сегментлардаги машиналарига хос эканини кўрсатади.