Автомобил эгалари қайси брендга кўпроқ содиқ қолмоқда?
Автомобил харидорларининг ярмидан кўпи кейинги машинасини танлашда аввал фойдаланган брендига содиқ қолмоқда. Бироқ бу кўрсаткич компаниялар кесимида кескин фарқ қилади. 2026-йилги рейтингда Тесла 64 фоизлик натижа билан биринчи ўринни эгаллади. Кейинги ўринлардан Феррари, Тоёта, Субару ва Ҳонда жой олди.
Қайси автомобил брендларига эгалари кўпроқ содиқ қолмоқда?
С&П Глобал Мобилитй томонидан 2026-йил май ойигача амалга оширилган автомобил савдолари маълумотлари асосида тузилган рейтинг Аутомотиве Невс нашрида эълон қилинди.
Тадқиқотда "мижозлар садоқати" деганда, автомобил эгаси транспорт воситасини алмаштириш вақтида, аниқ моделидан қатъи назар, яна ўша бренд автомобилини харид қилиши тушунилади.
Умуман олганда, автомобил ва электромобил харидорларининг деярли ярмидан кўпи кейинги машинасини сотиб олишда аввал фойдаланган маркани яна танламоқда. АҚШ автомобил бозори бўйича ўртача садоқат даражаси 52 фоизни ташкил этган.
Рейтингда Тесла 64 фоизлик кўрсаткич билан биринчи ўринни эгаллади. Бу иккинчи йирик оммавий кўрсаткичлардан бири бўлган Тоёта натижасидан 4 фоиз пунктга ва АҚШ автомобил бозори бўйича ўртача даражадан 12 фоиз пунктга юқори.
2003-йилда ташкил этилган Тесла 2020-йилда илк бор тўлиқ йил якунлари бўйича фойда билан ишлаган. Кейинги даврда компания кўп вақт давомида бозор капитализацияси бўйича дунёдаги энг қиммат автомобил ишлаб чиқарувчилардан бири бўлиб келди.
2025-йилда Тесла АҚШ бозорида қарийб 600 мингта электромобил сотган.
Тесла мижозларининг юқори садоқати компаниянинг АҚШ электромобиллар бозоридаги кучли позицияси билан ҳам уйғунлашади. Бренд автомобиллари мамлакатда сотилаётган электромобилларнинг қарийб ярмини ташкил этади.
Бироқ компаниянинг глобал натижалари бир хил эмас. 2025-йилда Теслаънинг жаҳон бўйича сотувлари аввалги йилга нисбатан 9 фоизга камайган. Бунга рақобатнинг кучайиши ва компания бош директори Илон Маск фаолиятига нисбатан турлича муносабат ҳам таъсир қилгани қайд этилган.
Теслаъдан кейин мижозлар садоқати бўйича Феррари жойлашди. Италиянинг люкс автомобиллар ишлаб чиқарувчиси 61 фоизлик натижа билан иккинчи ўринни эгаллаган.
Феррари яқинда ўзининг электр модели билан ҳам чиқди. Шунга қарамай, бренднинг асосий устунликларидан бири унинг ўзига хос имижи ва харидорлари орасида шаклланган юқори садоқат даражаси бўлиб қолмоқда.