Қашқадаёрда “Жигули” дарахтга урилиши оқибатида 20 ёшли ҳайдовчи ҳалок бўлди
Қашқадарё вилоятининг Шаҳрисабз туманида ВАЗ-2105 автомобили бошқарувни йўқотиб, дарахтга урилди. Оқибатда 26 ёшли ҳайдовчи шифохонада вафот этди.
Қашқадарёда “Жигули” дарахтга урилиши оқибатида 20 ёшли ҳайдовчи ҳалок бўлди
Қашқадарё вилоятининг Шаҳрисабз туманида содир бўлган йўл-транспорт ҳодисаси оқибатида ҳайдовчи вафот этди, дея хабар бермоқда вилоят ЙҲХБ.
Воқеа 26-октабр куни соат 23:30 лар атрофида Катта Новқат маҳалласи ҳудудидан ўтган йўлда юз берган. 2006-йилда туғилган ҳайдовчи М.Х. ВАЗ-2105 автомобилини бошқариб кетаётиб, рулни йўқотган ва йўл четидаги дарахтга бориб урилган.
ЙТҲ натижасида ҳайдовчи олган тан жароҳатлари сабаб шифохонада ҳаётдан кўз юмган.
Мазкур ҳолат юзасидан Жиноят кодексининг 266-моддаси 2-қисми (Одам ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Ҳозир тергов ишлари давом этмоқда.