Қарşида 360 öринли боğçа қурилиб, мактаб таъмирланади
Қарşида 360 öринли янги боğçа қуриş ва 43-сонли мактабни реконструксия қилиş режалаşтирилмоқда. Таълим муассасалари şароити янгиланади.
Қаршида 360 ўринли боғча қурилиб, мактаб таъмирланади
Қарши шаҳрида 360 ўринли янги мактабгача таълим ташкилотини қуриш ва 43-сонли мактабни тўлиқ таъмирлаш режалаштирилмоқда. Бу ҳақда Ўзбекистон президенти Администрацияси раҳбари Саида Мирзиёева шаҳардаги таълим муассасаларига ташрифи якунлари бўйича маълум қилди.
Унинг сўзларига кўра, 1-сонли боғча биноси авария ҳолатида, 43-сонли мактабда эса иситиш тизими билан боғлиқ муаммоларни ҳал қилиш ва эскирган мебелларни янгилаш зарур.
Мавжуд боғча ўрнида 360 нафар тарбияланувчига мўлжалланган янги бино қуриш режалаштирилган.
43-сонли мактабни тўлиқ реконструксия қилиш ва замонавий ўқув лабораториялари билан жиҳозлаш кўзда тутилган. Шунингдек, ижодий тўгараклар фаолияти учун шароит яратиш ҳамда алоҳида таълим эҳтиёжлари бўлган болалар учун инклюзив таълим муҳитини таъминлаш режалаштирилмоқда.
Саида Мирзиёева ташриф давомида янги Қашқадарё илғор касбий маҳорат техникумида ҳам бўлиб, у ерда ёш мутахассисларни тайёрлаш учун яратилган таълим шароитлари билан танишди.
Унинг таъкидлашича, асосий вазифа болаларнинг мактабгача таълимдан тортиб касб-ҳунар эгаллагунга қадар бўлган барча босқичларда муносиб шароитларда ривожланиши ва таълим олишини таъминлашдан иборат.