Путин Маскни «ҳақиқатан ҳам даҳо» деб атади
Владимир Путин Россия АҚŞ билан сиёсий зиддиятларга қарамай, Илон Маск ва боşқа америкалик ҳамкорлар билан космос соҳасидаги алоқаларни сақлаб келаётганини билдирди. У Маскни «ҳақиқатан ҳам даҳо» деб атаб, Россия паст орбитали интернет сунъий йöлдоşлари тизимини ривожлантираётганини таъкидлади.
Путин Маскни «ҳақиқатан ҳам даҳо» деб атади
Россия президенти Владимир Путин Москва ва Вашингтон ўртасидаги сиёсий тарангликларга қарамай, Россиянинг паст орбитали сунъий йўлдошлар гуруҳи бўйича СпасеХ раҳбари Илон Маск ҳамда бошқа америкалик ҳамкорлар билан алоқани давом эттираётганини айтди.
Путин Маскни «ҳақиқатан ҳам даҳо» инсон деб таърифлади. У шундай деди:
«Биз америкалик ҳамкорлар, жумладан, жаноб Маск билан яқин алоқадамиз, зеро орбитада бир-биримизга халақит бермаслик, муайян интизом ва тартибга риоя қилиш жуда муҳим».
Путиннинг сўзларига кўра, Россия «барча сиёсий масалаларга қарамай» бу ҳамкорликни қадрлайди ва Старлинкънинг муқобилини яратиб бораётганидан фахрланади.
Гап Путин Россиянинг бу соҳадаги илк қадами деб атаган «Рассвет» тизими ҳақида кетмоқда. Кенг полосали интернет учун мўлжалланган ушбу сунъий йўлдошлар гуруҳини «Бюро 1440» компанияси ишлаб чиқмоқда. Компания дастлабки 16 та серияли сунъий йўлдошни март ойида, иккинчи туркумни эса июлда орбитага чиқарган эди. Хизматни тижорий мақсадда ишга тушириш келаси йилга режалаштирилган бўлиб, 2035-йилга бориб сунъий йўлдошлар сони 900 тадан ошиши керак.
Шу ойнинг бошида Володимир Зеленский Украина Қуролли кучларига Россиянинг ракета ва дрон ҳужумларини қайтаришда ёрдам бераётган Старлинк тармоғига уланиш чеклангани учун жавобгарликни Маск ва Доналд Трампнинг зиммасига юклаган эди. Трамп интернет тезлигини пасайтиришга буйруқ берганини рад этди, Маск эса Украинани тармоқдан дронлар ёрдамида ҳужумкор зарбалар беришда фойдалангани учун хизмат қоидаларини бузганликда айблади. 24-октабр куни Киев чекловлар олиб ташланганини маълум қилди. Тҳе Валл Стреет Жоурнал маълумотларига кўра, бундан аввал Трамп Маскдан ушбу чекловларни бекор қилишни сўраган.