Илон Маск вагонда яшаётганини айтди

Илон Маск вагонда яшаётганини маълум қилди

Америкалик тадбиркор ва миллиардер Илон Маск ҳозир Теннесси штатининг Мемфис шаҳрида, ўзининг хАИ компаниясига тегишли маълумотлар маркази қурилиши яқинидаги Аирстреам вагонида яшаётганини айтди.

“Мен ҳозир Мемфисда ўзим яшаётган қаср, яъни Аирстреам вагонидан алоқага чиқяпман”, деб ҳазиллашди Маск Алл-Ин Подсаст эфирида.

Кўрсатувнинг яна бир иштирокчиси, СпасеХ раиси Гвинн Шотвелл ҳам бу борада фикр билдирди. У Илон Маск фабрикада полда ухлаётгани ва Мемфисда бинолар қурилишига ёрдам бераётганини таъкидлади.

Маск у ерда хАИ компаниясининг сунъий интеллект тизимларини, жумладан Грок чатботини ўқитиш ва ишлатиш учун мўлжалланган Солоссус мажмуасини кенгайтириш жараёнида бўлиб турибди. хАИ Мемфисдаги ушбу марказда сунъий интеллектни ўқитувчи серверлар ва компютерлар сонини оширмоқда. Тизимнинг бир қисми эса ижара шартномалари асосида Гоогле ва Антҳропис компанияларига фойдаланиш учун берилган.

Лойиҳа устида жиддий ишлаётган пайтда ишлаб чиқариш ёнида яшаш Маск учун илк ҳолат эмас. У аввал ҳам Тесла заводларида ҳамда ўз компанияларининг идораларида тунаб қолганини айтган эди.

Маск ҳозир дунёнинг энг бой одами ҳисобланади. Форбес нашри 15-сентябр куни унинг бойлигини тахминан 886 миллиард долларга баҳолаган. Аввалроқ Маск инсониятнинг қирилиб кетиш хавфи ҳақида огоҳлантирганди.