“ПСЖнинг асосий мақсади — Чемпионлар Лигасида ғалаба қозониш” — Луис Энрике
Франсия клуби сўнгги икки мавсумда Чемпионлар Лигасининг бош совринини қўлга киритган.
“ПСЖнинг асосий мақсади — Чемпионлар Лигасида ғалаба қозониш” — Луис Энрике
“ПСЖ” бош мураббийи Луис Энрике Чемпионлар Лигасининг тўртинчи турида “Вилярреал” устидан 6:0 ҳисобида эришилган ғалаба юзасидан фикр билдирди.
“Мен жамоаларнинг беш дақиқада учта гол урганини кўрганман. Агар биз мана шундай қисқа вақт ичида шунча гол ўтказиб юборганимизда, “Вилярреал” каби қийинчиликларга дуч келган бўлардик.
Биз тўртта ўйинда 20 та гол урдик. Лекин бу ҳеч нарсани англатмайди. Мадриддаги финалда фақат битта ғолиб бўлади ва бизнинг мақсадимиз у ерда ғалаба қозониш. Аввалги мавсумларда биз умумий ҳисобда кучли саккизликка кира олмаган бўлсак ҳам, кубокни қўлга киритган эдик”, — дея Энрикенинг сўзларини келтиради УЕФА расмий веб-сайти.
Ҳозирда “ПСЖ” Чемпионлар Лигасининг умумий жадвалида 12 очко билан пешқадамлик қилмоқда. “Вилярреал” эса уч очко билан 29-ўринда бормоқда.
“ПСЖ” сўнгги икки мавсумда Чемпионлар Лигасининг бош совринини қўлга киритган. 2024/25-йилги мавсум финалида “Интер” 5:0 ҳисобида мағлуб этилган.
2025/26-йилги мавсум финалида эса “ПСЖ” “Арсенал” устидан пеналтилар сериясида ғалаба қозонганди.