Президент Ўзбекистон иқтисодиёти ҳажмини 2030-йилга келиб 300 миллиард долларга етказиш мақсадини кўтарди.
Президент Шавкат Мирзиёевнинг сўзларига кўра, Ўзбекистон 2030-йилга келиб ўз ЯИМини 300 миллиард долларга етказишни режалаштирмоқда. 2025-йил охирида бу кўрсаткич 240 миллиард доллардан ошиши керак эди. Кейинги 10 йил ичида ҳукумат 450 миллиард долларлик хорижий инвестицияларни жалб қилишни ва аҳоли жон бошига тўғри келадиган ЯИМни 10 000 доллардан оширишни ҳам режалаштирмоқда.
Президент Шавкат Мирзиёев Ўзбекистон иқтисодиёти учун мақсадли кўрсаткичнинг ошишини эълон қилди: 2030-йилга келиб унинг ҳажми 300 миллиард долларга етиши керак. Давлат раҳбари бу ҳақда 28-август куни мамлакат мустақиллигининг 35 йиллигига бағишланган маросимда эълон қилди.
Мирзиёев келгуси ўн йиллик “халқимизнинг ақл-заковати, меҳнати ва бирлиги туфайли” эришилган “миллий ўсиш даври” бўлишини таъкидлади.
Ушбу улкан мақсадга эришиш учун ҳукумат еттита миллий дастурни ишга туширишни режалаштирмоқда. Биринчи йўналишлар қаторида таълим ва ищи кучини ривожлантириш, соғлиқни сақлаш тизимини такомиллаштириш ва иқтисодиётни меҳнат унумдорлиги ошган юқори технологияли моделга ўтказиш бор.
Учинчи миллий дастур иқтисодиётга қаратилган бўлади. Президент Ўзбекистон кейинги ўн йил ичида 450 миллиард долларлик хорижий инвестицияларни жалб қилиш ниятида эканлигини эълон қилди.
Шу фонда янги иқтисодий мақсад эълон қилинди: “Иқтисодий ўсишнинг юқори суръатларини сақлаб қолиш орқали ялпи ички маҳсулот 2030-йилга келиб 300 миллиард долларга етади”.
Бу аввалги режаларни сезиларли даражада ўзгартиради. Аввалроқ, 2025-йил 26-декабрда Олий Мажлис ва Ўзбекистон халқига қилган мурожаатида Мирзиёев 2030-йилга келиб ЯИМни 240 миллиард доллардан ортиққа етказиш имконияти ҳақида гапирган эди. Дастлаб, "Ўзбекистон 2030" стратегиясида 160 миллиард долларлик мақсад кўзда тутилган эди, аммо кейинчалик президент бу босқичга 2026-йилдаёқ эришилиши мумкинлигини таъкидлади.
240 миллиард долларлик мақсад ўз кучида қолди: 2026-йил июл ойида президент бунга эришиш учун иқтисодиёт йилига камида 8-9 фоизга ўсиши кераклигини таъкидлади.
Президент шунингдек, саноатда 2 миллион юқори даромадли иш ўринларини яратиш режаларини эълон қилди.
"Ёшларнинг салоҳиятини тўлиқ очиш учун стартаплар, венчур капитал ва сунъий интеллектни ривожлантириш устувор вазифага айланади", деди у.
Бундан ташқари, расмийлар кичик бизнеснинг ўрта бизнесга, ўрта корхоналарнинг эса йирик компаниялар ва корпорацияларга айланишига ёрдам берадиган махсус экотизим яратиш ниятида.
“Шунинг натижасида кейинги ўн йил ичида аҳоли жон бошига тўғри келадиган ялпи ички маҳсулот 10 минг доллардан ошади”, — дея хулоса қилди Шавкат Мирзиёев.