Пўлат Бобожонов президентнинг кадрлар масалалари бўйича маслаҳатчиси ўринбосари лавозимини тарк этди
Пўлат Бобожонов президентнинг кадрлар масалалари бўйича маслаҳатчиси ўринбосари лавозимидан кетди
Президент фармони билан Пўлат Бобожонов президентнинг кадрлар масалалари бўйича маслаҳатчиси ўринбосари лавозимидан озод этилди. Унинг бошқа ишга ўтгани хабар қилинмоқда.
Пўлат Бобожонов 1961 йил 1 январда Хоразм вилоятида туғилган. 1982 йилда Тошкент давлат университетини тамомлаган, шундан сўнг Хоразм вилояти прокуратура органларида иш бошлаган.
1992–1999 йилларда Боғот тумани ҳокимининг биринчи ўринбосари ва Хоразм вилояти ҳокимининг ўринбосари лавозимларида ишлаган. 1999 йилда Президент Администрациясига ишга ўтган.
2000–2011 йилларда прокуратура органларида раҳбарлик лавозимларида, жумладан, Бош прокурор ўринбосари, Бош прокуратура ҳузуридаги Департамент бошлиғи, шунингдек, Жиззах ва Бухоро вилоятлари прокурори лавозимларида фаолият юритган.
2011 йилда Хоразм вилояти ҳокимининг биринчи ўринбосари, 2012 йилда эса вилоят ҳокими этиб тайинланган.
Пўлат Бобожонов 2017 йил сентябрь ойидан буён Ўзбекистон ички ишлар вазири лавозимида ишлаб келаётган эди. 2025 йил март ойида у президентнинг кадрлар масалалари бўйича маслаҳатчиси ўринбосари этиб тайинланганди.
Ички ишлар вазири лавозимида Бобожоновнинг ўрнини муқаддам Тошкент шаҳар Ички ишлар бош бошқармасига раҳбарлик қилган Азиз Тошпўлатов эгаллади.