Ўзбекистонда ажримларнинг асосий сабаблари айтилди
Оила ва хотин-қизлар қўмитаси раиси Дилноза Каттахоновага кўра, бу сабабларнинг бир қисмини маҳалла даражасидаёқ бартараф
Ўзбекистонда ажримларнинг асосий сабаблари маълум қилинди
Ўзбекистонда никоҳдан ажралиш ҳолатларининг бош омиллари ўзаро ишончсизлик, бир-бирини тушунмаслик, моддий етишмовчилик ва учинчи шахсларнинг оилага аралашуви экани билдирилди.
Мажлисда қайд этилишича, 2026-йилнинг биринчи ярмида республика бўйича ажримлар сони ўтган йилнинг шу даврига нисбатан 6,3 фоизга ошган. Сенат раиси Танзила Норбоева кўрилаётган чора-тадбирларга қарамай ажримлар кўпайиб бораётганининг сабабларини чуқур таҳлил қилиш зарурлигини таъкидлади.
Дилноза Каттахонованинг айтишича, судларга ажрим бўйича келиб тушган мурожаатлар таҳлилида характерларнинг мос келмаслиги, ўзаро ишончсизлик ва оилавий ҳаётга тайёр эмаслик каби сабаблар катта улушни эгалламоқда. Унинг таъкидлашича, бу омиллар биргаликда ажрим сабабларининг 60 фоиздан ортиғини ташкил этади.
Шу билан бирга, ижтимоий фикрни ўрганиш натижаларида респондентлар ажримларга олиб келувчи асосий омиллар сифатида:
Қўмита раисига кўра, бу сабабларнинг бир қисмини маҳалла даражасидаёқ бартараф этиш мумкин. Шу боис никоҳни қайд этиш учун ариза берилган босқичдан бошлаб маҳалла «еттилиги», нуронийлар, маҳалла раислари ва хотин-қизлар фаолларининг ёшлар ҳамда уларнинг оила аъзолари билан ишлаши режалаштирилмоқда.
Хусусан, ажримга моддий етишмовчилик ёки ишсизлик сабаб бўлаётган бўлса, оила аъзоларини бандлик билан таъминлаш чоралари кўрилиши, бошқа ижтимоий ёки психологик муаммолар бўлса, улар бўйича алоҳида манзилли иш ташкил этилиши назарда тутилмоқда.
Каттахонова ҳар бир ажрим сабаби бўйича алоҳида чора-тадбирлар ишлаб чиқилиши ва уларнинг ижроси назорат қилинишини билдирди. Қўмита оила билан ишлашни оммавий тадбирлар ўтказишдан кўра, муаммонинг аниқ сабабига қараб индивидуал ва натижага йўналтирилган тизимга ўтказишни режалаштирмоқда.