Ўзбекистонда аҳоли ва тадбиркорларнинг инфляцион кутилмалари пасайди
Ҳудудлар кесимида аҳоли орасида энг юқори инфляцион кутилмалар Тошкент шаҳрида (11,6 фоиз), энг пасти эса
Ўзбекистонда аҳоли ва тадбиркорларнинг инфляцион кутилмалари камайди
Марказий банкнинг 2026-йил сентябр ойида ўтказган сўрови натижаларига кўра, аҳолининг келгуси 12 ойлик инфляцион кутилмалари 8,7 фоизга, тадбиркорларники эса 9,2 фоизга пасайган.
Сўровда 2 726 нафар фуқаро ва 1 043 нафар тадбиркор қатнашган.
Ҳудудлар бўйича аҳоли орасида энг юқори инфляцион кутилмалар Тошкент шаҳрида — 11,6 фоиз, энг паст кўрсаткич эса Хоразм вилоятида — 6,8 фоиз қайд этилган.
Тадбиркорлар орасида энг юқори натижа Самарқанд вилоятида 10,2 фоизни, энг пасти Қашқадарё вилоятида 7,5 фоизни ташкил этган.
Нархлар ошишига таъсир қилувчи асосий омиллар сифатида ёқилғи-энергетика ресурслари, коммунал хизматлар, озиқ-овқат ва хомашё нархларининг қимматлашиши кўрсатилган.
Эслатиб ўтамиз, инфляцион кутилмалар — аҳоли ва тадбиркорларнинг келгуси бир йилда нархлар қанчага ошиши ҳақидаги тахмини бўлиб, амалдаги инфляция даражасини англатмайди.