Ўзбекистон президенти Испанияга таъзия йўллади. Мамлакатда уч кунлик мотам эълон қилинди
Ўзбекистон президенти Толедо провинсиясида поездлар тўқнашуви оқибатида кўплаб инсонлар қурбон бўлгани ва жароҳат олгани муносабати билан Испания қиролига ҳамдардлик билдирди. Сўнгги маълумотларга кўра, ҳалокат оқибатида камида 68 киши ҳалок бўлган. Мамлакатда уч кунлик мотам эълон қилинди.
Ўзбекистон президенти Испанияга таъзия йўллади. Мамлакатда уч кунлик мотам эълон қилинди
Ўзбекистон президенти Шавкат Мирзиёев Толедо провинсиясида поездлар тўқнашуви оқибатида кўплаб одамлар ҳалок бўлгани ва оғир жароҳат олгани муносабати билан Испания қироли Филипп ВИ га таъзия йўллади.
Президент Испания халқига, ҳалок бўлганларнинг оила аъзолари ва яқинларига ҳамдардлик изҳор этиб, жароҳатланганларнинг тезроқ соғайиб кетишини тилади.
28-октабр куни эрталаб Испания марказидаги Толедо ҳудудида иккита тезюрар йўловчи поезди тўқнашиб кетди.
Сўнгги маълумотларга кўра, 68 киши ҳалок бўлган, 58 киши жароҳатланган, улардан 15 нафарининг аҳволи ўта оғир.
Эл Паис нашри Ренфе компаниясига (давлат темирйўл оператори) қарашли АВЕ поезди ва Ирё таркиби (хусусий темирйўл ташувчиси) тўқнашганини хабар қилди. Ренфе АВЕ поездида 397 нафар, Ирё поездида эса 147 нафар йўловчи бўлган.
Ҳалокат сабаблари ҳозирча номаълум. Эл Паис манбаларига кўра, фалокат катта эҳтимол билан “инсон омили” сабаб юз берган. Саккизтага яқин поезднинг тўхтаб қолишига олиб келган хавфсизлик тизимидаги носозликдан кейин Аточа вокзалидаги ҳаракатни бошқариш маркази диспетчери йўлда Ирё поезди бўлишига қарамай, хатолик билан Ренфе АВЕ таркибига ҳаракатни давом эттиришга рухсат берган.
Испания бош вазири Педро Санчес воқеа жойига етиб борди ва фожиа юзасидан тергов “охиригача етказилишини ҳамда агар совуққонликка йўл қўйилган бўлса, бу аниқланишини” ваъда қилди. Санчес, шунингдек, эртадан бошлаб уч кунлик мотам эълон қилишини билдирди — 29-октабрдан 31-октабргача.