Оҳангаронда 3 ёшли боғча тарбияланувчисининг вафотидан кейин жиноят иши қўзғатилди
Оҳангаронда 3 ёшли боғча тарбияланувчиси ҳашаротларга қарши кимёвий воситани ичиб юбориши оқибатида вафот этди. Бош прокуратура маълумотларига кўра, ҳолат юзасидан жиноят иши қўзғатилган, бир киши гумонланувчи сифатида жалб этилган. Ҳодиса 2026 йил 28 август куни содир бўлган. Бир кун аввал боғчада дезинфекция ишлари ўтказилган. Ишлар якунлангач, қолган кимёвий аралашма белгиланган тартибни бузган ҳолда сақланган. Бола воситани қабул қилган […]
Оҳангаронда боғчанинг 3 ёшли тарбияланувчиси вафот этганидан кейин жиноят иши қўзғатилди
Оҳангаронда боғчанинг 3 ёшли тарбияланувчиси ҳашаротларга қарши кимёвий воситани ичиб юбориши оқибатида вафот этди. Бош прокуратура хабарига кўра, мазкур ҳолат юзасидан жиноят иши қўзғатилиб, бир киши гумонланувчи сифатида жалб этилган.
Ҳодиса 2026 йил 28 август куни содир бўлган. Бундан олдин боғчада дезинфекция ишлари ўтказилган. Ишлар якунлангач, қолган кимёвий аралашма белгиланган тартибни бузган ҳолда сақланган.
Бола ушбу воситани сув деб ўйлаб, ичиб юборган. У оғир аҳволда шифохонага ётқизилган, бироқ кўрсатилган тиббий ёрдамга қарамай, 30 август куни вафот этган.
Оҳангарон шаҳар прокуратураси томонидан Жиноят кодексининг 116-моддаси 3-қисми билан жиноят иши қўзғатилди.
Ҳозирда дастлабки тергов ҳаракатлари давом этмоқда. Унинг натижаларига кўра, масъул шахсларнинг хатти-ҳаракатларига ҳуқуқий баҳо берилади.