Ўзбекистонликлар Қозоғистонда харидлар учун QR орқали тўлов қилишлари мумкин бўлади
Ўзбекистонликлар Қозоғистонда харидлар учун QR орқали тўлашлари мумкин бўлади
Ўзбекистон ва Қозоғистон миллий QR-кодлар бўйича ўзаро тўловларни тайёрламоқда. Тизим ишга туширилгандан сўнг, ўзбекистонликлар Қозоғистонда ушбу тизим орқали товарлар ва хизматлар учун тўлашлари, қозоғистонликлар эса Ўзбекистонга сафарлари чоғида тўловларни амалга оширишлари мумкин бўлади.
Олматида HUMO тўлов тизими ва Қозоғистон Миллий тўлов корпорацияси тегишли меморандумни имзолади. Томонлар тўловлар мавжуд тизимлар орқали амалга оширилиши учун икки мамлакатнинг миллий QR-инфраструктураларини ўзаро боғлашни режалаштирмоқда.
Яна бир йўналиш — Ўзбекистон ва Қозоғистон ўртасидаги тўғридан-тўғри пул ўтказмаларидир. Фойдаланувчилар қўшни давлатдаги карталарга пулларни банкларнинг одатий мобил иловалари орқали юборишлари мумкин бўлади. Ҳар иккала хизматнинг ишга туширилиш аниқ муддатлари ҳозирча маълум қилинмаган.
, UzQR ишга туширилгандан сўнг фойдаланувчилар ва тадбиркорларда янги тизимнинг ишлаши, жумладан, комиссиялар бўйича саволлар туғилган эди.