Ўзбекистонда ёввойи ҳолда ўсувчи ўсимликларни йиғишга онлайн-аукционлар орқали рухсат берилади
Ўзбекистонда ёввойи ҳолда ўсувчи ўсимликларни йиғишга онлайн-аукционлар орқали рухсат берилади
Ўзбекистонда доривор, техник ва озиқ-овқат хомашёси учун ёввойи ҳолда ўсувчи ўсимликларни тайёрлашнинг янги тартиби жорий этилди. Эндиликда тадбиркорлар уларни йиғиш ҳуқуқини электрон аукционлар орқали қўлга киритишлари мумкин бўлади, ҳажмлар эса экологик квоталар билан қатъий чекланади.
Савдоларда исталган киши иштирок этиши мумкин, ресурсларни тақсимлаш эса очиқ ва рақобат асосида амалга оширилади. Ғолиблардан қўшимча ҳужжатлар йиғиш талаб этилмайди — аукцион баённомасининг ўзи ҳеч қандай қўшимча йиғимларсиз рухсатнома бериш учун асос бўлади.
Шу билан бирга, ёввойи ҳолда ўсувчи ўсимликларни исталган ҳажмда эркин йиғиш мумкин эмас. Квоталар ҳар йили Фанлар академиясининг хулосаси асосида Экология давлат қўмитаси томонидан тасдиқланади. Бу табиатнинг ресурсларни тиклаш қобилиятини ҳисобга олиш ва ноқонуний йиғишнинг олдини олиш имконини беради.
Аввалроқ Навоий вилоятида ёввойи ҳолда ўсувчи каврак ўсимлигини ноқонуний тайёрлаш ҳолати аниқланган эди. Қонунбузарлар 7,5 минг туп ўсимликка шикаст етказган, табиатга етказилган зарар эса 3 миллиард сўмдан ортиқроққа баҳоланган эди.