1 августдан айрим камёб қушлар ва ёввойи ҳайвонларни овлаш тақиқланади
2030 йил 1 январга қадар республиканинг марказий шаҳарларидан оқиб ўтувчи дарё ва сойлар ҳар йили жами 15 тоннадан кам бўлмаган миқдорда Экология ва иқлим ўзгариши миллий қўмитаси ҳамда Фанлар академияси томонидан тузиладиган рўйхат асосида чавоқлантирилади.
1-августдан бошлаб айрим ноёб қушлар ва ёввойи ҳайвонларни овлашга мораторий жорий этилади.
2026-йил 1-августдан 2028-йил 1-январгача Ўзбекистон ҳудудида ноёб ва йўқолиб кетиш хавфи остида турган ёввойи ҳайвонларни овлаш ман этилади. Ҳукумат қарорига илова қилинган рўйхатда 66 турдаги қушлар, сутемизувчилар, балиқлар, судралиб юрувчилар ва умуртқасизлар мавжуд.
Қуйидагилар ушбу чекловга кирмайди:
* Фермер хўжаликлари, питомниклар, инкубаторлар, балиқчилик питомниклари ва ҳовуз хўжаликларида сақланаётган ва/ёки етиштирилаётган ёввойи ҳайвонларни овлаш;
* Илмий ва тиббий мақсадларда фойдаланиш учун ов қилиш.
Шунингдек, ёввойи ҳайвонларни тутиш бўйича квоталарни шакллантириш ва тақсимлашда овлаш тақиқланган ноёб ва йўқолиб кетиш хавфи юқори бўлган турларга квота ажратилмайди.
Белгиланишича, 1-августдан 2030-йил 1-январгача республиканинг марказий шаҳарларидан оқиб ўтувчи дарё ва сойлар ҳар йили камида 15 тонна миқдорида чавоқлантирилади. Чавоқлантириш учун турлар рўйхати Экология ва иқлим ўзгариши миллий қўмитаси ҳамда Фанлар академияси томонидан тузилади.