Ўзбекистонда тадқиқотларга 1,7 трлн. сўм йўналтирилди
2025 йилда Ўзбекистоннинг илмий тадқиқотларга харажатлари 6,8 фоизга ошди, мутахассис-тадқиқотчилар сони эса 28,3 фоизга кўпайди.
Ўзбекистонда тадқиқотларга 1,7 трлн сўм йўналтирилди
2025 йилда Ўзбекистонда илмий-тадқиқот ва тажриба-конструкторлик ишларига 1 680,6 млрд сўм, яъни қарийб 1,7 трлн сўм ажратилди. Бундай маълумотларни Ўзбекистон Республикаси Миллий статистика қўмитаси келтирмоқда.
2024 йилга нисбатан илмий-тадқиқот ва тажриба-конструкторлик ишларини молиялаштириш 106,5 млрд сўмга ошди, бу эса 6,8 фоизлик ўсишга тўғри келади.
Шу билан бирга, мамлакатда илмий-тадқиқот ва тажриба-конструкторлик ишлари билан банд бўлган мутахассислар сони ҳам кўпайди. 2025 йилда уларнинг сони 43,1 минг кишига етди.
Бир йил давомида ушбу кўрсаткич 2024 йилга нисбатан 9,5 минг кишига ёки 28,3 фоизга ошди.
Тадқиқотчи-мутахассислар умумий сонидан 17,4 минг кишини аёллар ташкил этди. Уларнинг улуши 40,4 фоизга етди.
Эркаклар сони 25,7 минг кишини ёки тадқиқотчилар умумий сонининг 59,6 фоизини ташкил этди.
Шу тариқа, 2025 йилда илмий-тадқиқот ва тажриба-конструкторлик фаолиятида банд бўлган мутахассислар сонининг ўсиши тегишли молиялаштириш ҳажмининг ошиши билан бирга кечди.