Ўзбекистонда судлар томонидан кўриб чиқилган аёлларга нисбатан зўравонлик тўғрисидаги ишлар сони ортди
Ўзбекистон судлари биринчи ярим йилликда хотин-қизларга нисбатан тазйиқ ва зўравонлик билан боғлиқ 2018 та жиноят ишини кўриб чиқди. Бу ўтган йилнинг шу даврига нисбатан 800 тага кўпдир. 2146 нафар аёл, шу жумладан, 18 ёшга тўлмаган 581 нафар қиз жабрланувчи деб топилди.
Ўзбекистонда судлар томонидан кўриб чиқилган хотин-қизларга нисбатан зўравонлик тўғрисидаги ишлар сони кўпайди
Биринчи ярим йилликда Ўзбекистон судлари хотин-қизларга нисбатан тазйиқ ва зўравонлик билан боғлиқ 2018 та жиноят ишини кўриб чиқди. Бу ҳақда Олий суд ҳисоботида сўз боради.
Кўриб чиқилган ишларнинг умумий сони 2025 йилнинг шу давридаги 1218 тага нисбатан 65,7 фоизга ошган.
Ушбу ишлар бўйича 2480 киши фигурантга айланди. 1215 та иш бўйича (ўтган йилнинг шу даврига нисбатан 337 тага кўп) 1624 нафар шахсга нисбатан (+521) айблов ҳукмлари чиқарилди.
Олти ой давомида 2146 нафар аёл жабрланувчи деб топилди. Уларнинг аксариятини 31 ёшдан 60 ёшгача бўлган аёллар — 870 нафар, шунингдек, 18 ёшдан 30 ёшгача бўлганлар — 654 нафар ташкил этади. Яна 581 нафар жабрланувчи 18 ёшга тўлмаганлардир.
Маҳкумларнинг 71 фоизи (1165 нафари) жиноят содир этилган вақтда доимий иш жойига эга бўлмаган.