Ўзбекистонда шикоятлардан сўнг харидорларга пуллар қайтарилди ва носоз товарлар алмаштириб берилди
Рақобатни ривожлантириш қўмитаси Ўзбекистоннинг отита ҳудудидан келиб түшган истеъмолчилар мурожаатларини ҳал этишга ёрдам берди. Идора аралашувидан сўнг харидорларга чипталар ва товарлар учун пуллар қайтарилди, носоз техника алмаштириб берилди ва ушланиб қолган автомобиль етказиб берилди. Нукусда янги автомобиль эгасининг монитори тез орада ишламай қолди. «Nukus Avtosavdo» МЧЖга қилинган мурожаат натижа бермади. Текширувдан сўнг носоз монитор бепул янгисига алмаштирилди. […] яшовчиси
Ўзбекистонда шикоятлардан сўнг харидорларга пуллар қайтарилди ва носоз товарлар алмаштириб берилди
Рақобат қўмитаси Ўзбекистоннинг олтита ҳудудидан тушган истеъмолчилар мурожаатларини ҳал этишга ёрдам берди. Идора аралашувидан сўнг харидорларга чипталар ва товарлар учун пуллар қайтарилди, носоз техникалар алмаштирилди ва ушланиб қолган автомобиль етказиб берилди.
Нукусда янги автомобиль эгасининг монитори тез орада ишламай қолди. «Nukus Avtosavdo» МЧЖга қилинган мурожаат натижа бермади. Текширувдан сўнг носоз монитор бепул янгисига алмаштириб берилди.
Андижонда яшовчи фуқаро Самарқанд — Андижон йўналиши бўйича бекор қилинган поезд чипталари учун пуллар қайтарилмаганидан шикоят қилди. Идора аралашувидан сўнг маблағлар унинг банк картасига қайтарилди.
Бухоро вилоятида мутахассислар Damas автомобилидаги нуқсонларни бартараф этишга ёрдам бердилар. Харидор «Buxoroavtotexxizmat» МЧЖга бир неча бор мурожаат қилган, аммо муаммо фақат ҳудудий бошқарма аралашувидан сўнг ҳал этилди.
Жиззахда автосалон Chery Tiggo 7 Life автомобилини ўн кун ичида етказиб бериш ваъдасини бажармади. Бошқарма аралашувидан сўнг автомобиль харидорга топширилди.
Наманган вилоятида қуёш панелининг носоз инвертори алмаштирилди. Ускуна кафолат муддатида ишдан чиққан эди. Қонунчилик талаблари тушунтирилгандан сўнг AZIZBEK ENERGY компанияси 6 млн сўмлик янги инвертор тақдим этди.
Яна бир ҳолат Тошкент вилоятида юз берди. Харидор Idea дўконидан музлатгич сотиб олган, бироқ сотувчи уни алмаштириш ёки пулини қайтаришдан бош тортган. Текширувдан сўнг шартнома бекор қилинди ва IDEA CONCEPT GROUP компанияси харидорга 5 млн 129 минг сўмни қайтарди.
Рақобат қўмитаси савдо, транспорт ва хизмат кўрсатиш соҳаларида истеъмолчилар ҳуқуқларини ҳимоя қилиш бўйича ишларни давом эттираётганини маълум қилди.