Ўзбекистонда интеллектуал божхона назорати тизими жорий этилмоқда. Видео
Ўзбекистонда интеллектуал божхона назорати тизими жорий этилмоқда. Видео
Ўзбекистон божхона органлари товарлар чегарага етиб келгунига қадар декларациялардаги тафовутларни ва божхона тўловларини тўлашдан бўйин товлаш эҳтимоли бўлган ҳолатларни аниқлаш мақсадида хорижий давлатлар билан электрон маълумотлар алмашинувини кенгайтирмоқда.
Интеллектуал божхона тизими доирасида бир қатор хорижий давлатлар билан экспорт декларациялари тўғрисидаги маълумотларнинг электрон алмашинуви йўлга қўйилди. Олинган маълумотлар Ўзбекистондаги импорт декларацияларида кўрсатилган маълумотлар билан автоматик равишда солиштирилади.
Агар тизим тафовутларни аниқласа, у хавф сигналини шакллантиради. Шундан сўнг, юкка нисбатан қўшимча текширув тайинланиши ёки божхона аудити ўтказилиши мумкин. Шу тариқа, юзага келиши мумкин бўлган қоидабузарликларни товар чегарага етиб келгунига қадар аниқлаш, божхона органларининг эътиборини эса қўшимча назорат талаб этадиган операцияларга қаратиш имкони яратилади.
Божхона қўмитасининг таъкидлашича, тизим, шунингдек, бож тўловларини тўлашдан бўйин товлаш ҳолатларининг олдини олиш ва ҳалол тадбиркорлар учун тенг шароитлар яратишга хизмат қилади.