Ўзбекистонда Google Pay ишга туширилди: ундан қандай фойдаланиш керак?
Google Pay банк картасини олмаган ҳолда Android-қурилма ёрдамида харидларни тўлаш имконини беради. Бунинг учун қўллаб-қувватланадиган картани Google Wallet иловасига қўшиш керак. Ўзбекистонда қайси банклар Google Pay хизматини қўллаб-қувватлаши, картани қандай улаш ва қурилма йўқолиб қолганда нима қилиш кераклиги ҳақида сўз юритамиз.
Ўзбекистонда Google Pay ишга тушди: ундан қандай фойдаланилади?
27 октябрдан бошлаб Android ва Wear OS қурилмалари эгалари Google Wallet иловасидан фойдаланиш имкониятига эга бўлишди.
Google Pay — интернетда, мобиль иловаларда ва мос келувчи тўлов терминалларида харидларни амалга ошириш мумкин бўлган хизматдир.
Ишлаш схемаси оддий: фойдаланувчи Google Wallet'га банк картасини қўшади, уни тасдиқлайди ва сўнг телефонни алоқасиз терминалга яқинлаштириб харидлар учун тўлов қилади. Бунда қурилма маълумотларни терминалга яқин масофали симсиз алоқа технологияси бўлмиш NFC орқали узатади.
Харид учун маблағ Google Pay'нинг алоҳида балансидан эмас, балки уланган банк картасидан ечиб олинади. Шунинг учун картада етарлича пул бўлиши, банк эса транзакцияни тасдиқлаши керак.
Ўзбекистонда чиқарилган ҳамма банк карталари ҳам Google Pay'ни қўллаб-қувватлайвермайди.
Хар бир банк ўз карталарининг қайси бирини ушбу хизмат билан ишлатиш мумкинлигини ўзи ҳал қилади.
Ҳозирги вақтда Google Wallet тўққизта банк карталарини қўллаб-қувватлайди:
АВО Банк — Мастерсард;
Остобанк — Виса ва Мастерсард;
Узум Банк — Виса;
ТБС Банк — Виса ва Мастерсард;
Алоқабанк — Виса ва Мастерсард;
Капиталбанк — Виса ва Мастерсард;
Ипак Йўли Банки — Visa ва Mastercard;
Ўзбекистон Миллий банки (ЎзМБ) — Visa ва Mastercard;
Ориент Финанс Банк — Виса ва Мастерсард.
Дўконларда алоқасиз тўловни амалга ошириш учун қуйидагилар керак:
NFC қўллаб-қувватланадиган Android ёки Wear OS қурилмаси;