Аппле Пай ва Гоогле Пай Ўзбекистонда яқин ойларда ишга тушиши мумкин
Марказий банк департаменти раҳбари Жамшид Усмановнинг маълум қилишича, шахсга доир маълумотлар тўғрисидаги қонунчиликка ўзгартиришлар киритилгач, Аппле ва Гоогле билан техник интеграция бўйича музокаралар бошланган. “Ҳозирда тижорат банклари интеграция ишларини фаол олиб бормоқда. Карталарни токенизация қилиш билан боғлиқ жиҳатлар бор”, - деди у.
Аппле Пай ва Гоогле Пай хизматлари Ўзбекистонда яқин ойларда фаолият бошлаши мумкин. Бу ҳақда Марказий банкнинг Тўлов тизимларини ривожлантириш департаменти раҳбари Жамшид Усмонов Спот нашрига берган интервюсида маълум қилди.
Усмоновнинг сўзларига кўра, шахсий маълумотлар тўғрисидаги қонунчиликка ўзгартиришлар киритилгандан сўнг, Марказий банк тижорат банклари, шунингдек, Ҳумо ва Узсард миллий тўлов тизимлари билан биргаликда Аппле ва Гоогле компаниялари билан музокараларни бошлаган. Шу билан бирга, хизматларнинг техник интеграцияси бўйича ишлар ҳам олиб борилмоқда.
"Ҳозирда тижорат банклари интеграция ишларини фаол олиб бормоқда. Карталарни токенизация қилиш билан боғлиқ жиҳатлар мавжуд", — дея таъкидлади Усмонов.
Унинг қайд этишича, бу фақатгина халқаро тўлов тизимлари – Виса ва Мастерсард карталарини қўллаб-қувватлаш билан чекланиб қолмайди. Марказий банк, шунингдек, Аппле Пай ва Гоогле Пай тизимларига маҳаллий Ҳумо ва Узсард тўлов тизимлари карталарини ҳам қўшиш устида ишламоқда.
Усмоновнинг сўзларига кўра, яқин бир неча ой ичида лойиҳа бўйича ижобий янгиликлар кутилмоқда.
Мутахассиснинг қўшимча қилишича, бир ёки бир нечта тижорат банки ушбу хизматларни биринчи бўлиб ишга тушириши мумкин. Марказий банк вакили регуляторнинг Аппле ва Гоогле вакиллари билан музокаралар ўтказганини ҳам тасдиқлади. Унинг айтишича, учрашувлар жорий йилнинг апрел ва май ойларида бўлиб ўтган.