Ўзбекистонда эрта никоҳ ва вояга етмаганлар ҳомиладорлиги фактларини яширганлик учун жарима солиш таклиф этилмоқда
Мамлакатда 16 ёшга тўлмаган қизлар ўртасидаги эрта никоҳ ва ҳомиладорлик ҳолатлари ҳақида ҳуқуқни муҳофаза қилувчи органларга хабар бермаган фуқаролар ва мансабдор шахслар учун маъмурий жавобгарликни жорий этувчи қонун лойиҳаси муҳокамага қўйилди. Ҳужжатнинг жамоатчилик муҳокамаси 19 сентябргача давом этади. Ташаббусга кўра, маҳалла, ФҲДЁ, таълим ва тиббиёт муассасалари вакиллари, шунингдек, диний уламолар ички ишлар органларини хабардор қилишлари шарт бўлади ва […]
Ўзбекистонда эрта никоҳ ва вояга етмаганлар ҳомиладорлиги фактларини яширганлик учун жарималар жорий этиш таклиф қилинмоқда
Мамлакатда 16 ёшдан кичик қизлар ўртасидаги эрта никоҳ ва ҳомиладорлик ҳолатлари ҳақида ҳуқуқ-тартибот идораларига хабар бермаган фуқаролар ва мансабдор шахслар учун маъмурий жавобгарликни назарда тутувчи қонун лойиҳаси жамоатчилик муҳокамасига қўйилди. Ҳужжат муҳокамаси 19 сентябргача давом этади.
Ташаббусга кўра, маҳаллалар, ФҲДЁ органлари, таълим ва тиббиёт муассасалари вакиллари, шунингдек, диний соҳа ходимлари бундай ҳолатларни аниқлаганда ички ишлар органлари ва «Инсон» ижтимоий хизматлар кўрсатиш марказларига хабар беришлари шарт бўлади.
Қонунбузарликлар ҳақида хабар бермаганлик учун қуйидаги жарималарни белгилаш таклиф этилмоқда:
- фуқаролар ва муассасалар ходимлари учун — БҲМнинг 3 бараваридан 5 бараваригача;
- мансабдор шахслар учун — БҲМнинг 5 бараваридан 10 бараваригача.
Бир йил давомида такроран содир этилган тақдирда, жарима миқдори сезиларли даражада оширилади.