Ўзбекистонда дам олиш кунлари қуруқ ва салқин об-ҳаво кутилмоқда

Ўзбекистонда яқин дам олиш кунлари қуруқ ва салқин об-ҳаво кутилмоқда

Яқин дам олиш кунлари Ўзбекистонда ҳаво бироз салқинлашади. Мамлакатнинг катта қисмида кундузги ҳарорат 25-30 даража илиққача пасаяди. Шу билан бирга, жанубда 35 даражагача иссиқ сақланиб қолади.

Бугун республика ҳудудининг катта қисмида қуруқ об-ҳаво сақланиб қолади. Оролбўйи ва Тошкент вилоятининг айрим жойларида қисқа муддатли ёмғир ёғиши мумкин. Ҳаво 32-35 даражагача, шимоли-ғарбда эса 23-28 даражагача исийди.

11-12 сентябрь кунлари баъзи жойларда шамол тезлиги сониясига 13-18 метргача кучайиши мумкин. Айрим ҳудудларда чанг-тўзонлар кузатилиши эҳтимоли бор. Тоғли ҳудудларда ҳам қисқа муддатли ёмғирлар прогноз қилинмоқда.

Шанба ва якшанба кунлари асосан кам булутли ва ёғингарчиликсиз об-ҳаво бўлади. Кундузи ҳарорат 25-30 даражани, баъзи жойларда 32 даражагача, жанубда эса 35 даражагачани ташкил этади.

Якшанба куни тоғли ҳудудларда ёғингарчилик кутилмайди.

Тошкентда бугун куннинг биринчи ярмида бироз қисқа муддатли ёмғир ёғиши мумкин. Ҳарорат 33-35 даража иссиқни ташкил этади.

Дам олиш кунлари пойтахтда кам булутли ва қуруқ об-ҳаво кузатилади. Кечаси 16-18 даража, кундузи шанба куни 28-30 даража, якшанба куни эса 30-32 даража бўлади. Шарқий шамол сониясига 5-10 метр тезликда эсади.