Ўзбекистонда банкларга кредитлар учун карталардан охирги пулларни ундириб олиш тақиқланади
Ўзбекистонда банкларга кредит қарздорлиги учун карталардан охирги пулларни ечиб олиш тақиқланади
2027 йил 10 январдан бошлаб Ўзбекистон тижорат банклари мижозларнинг фармойишисиз кредитлар ва кафиллик бўйича мажбуриятларни сўндириш учун ҳисобварақлардан барча маблағларни ечиб ола олмайди. Бундай операциялардан сўнг ҳисобварақларда меҳнатга ҳақ тўлашнинг энг кам миқдорининг ярмидан кам бўлмаган сумма қолиши керак.
Бундай талабни Марказий банк молиявий хизматлар истеъмолчилари билан ўзаро муносабатлар қоидаларига қўшимча киритган ҳолда белгилади. Амалдаги меҳнатга ҳақ тўлашнинг энг кам миқдори 1,36 миллион сўм бўлганда, ҳисобварақларда камида 680 минг сўм қолиши керак. Бунда мижознинг ҳар бир банк картасидаги эмас, балки барча карталаридаги умумий қолдиқ ҳисобга олинади.
Эълон қилинган ҳужжатга кўра, чеклов банк томонидан мижознинг алоҳида фармойишисиз амалга ошириладиган кредитлар ва кафиллик шартномалари бўйича маблағларни ечиб олишга татбиқ этилади.