Ўзбекистонда аҳоли сонини доимий ҳисобга олиб бориш тизими яратилади
Ўзбекистонда аҳоли сонини доимий ҳисобга олиб бориш тизими яратилади
Ўзбекистонда ягона аҳоли статистика регистри шакллантирилади. Ушбу янги тизим мамлакат аҳолиси сонини ҳисоблаб чиқиш ва долзарб маълумотларни мунтазам равишда эълон қилиб бориш имконини беради.
Бу Ўзбекистон президентининг янги фармонида назарда тутилган. Тизимни ишга тушириш аҳоли ва қишлоқ хўжалигини рўйхатга олиш натижаларидан фойдаланган ҳолда 2027 йил якунигача режалаштирилган. Давлат органларининг аҳоли тўғрисидаги маълумотларни ўз ичига олган маълумотлар базалари ўзаро мувофиқлаштирилади ва доимий янгилаб бориш учун регистрга бирлаштирилади.
Ишга туширилгунга қадар ахборот тизими Киберхавфсизлик маркази экспертизасидан ўтказилади. Регистр жорий этилгандан сўнг унинг хавфсизлиги доимий назоратда бўлади. Тизимга кириш ҳуқуқига фақат ваколатли ходимлар эга бўлади ва улар маълумотлардан истисно тариқасида умумлаштирилган статистикани тайёрлаш учунгина фойдаланишлари мумкин. Давлат органлари, ташкилотлар ва бошқа шахслар томонидан индивидуал маълумотлардан фойдаланиш тақиқланади.
Параллел равишда қишлоқ хўжалигининг статистик регистри шакллантирилади. Ушбу чора-тадбирлар «Статистикани ривожлантириш – 2030» миллий стратегиясига киритилган бўлиб, у статистика тизимларини модернизация қилиш, халқаро стандартларга ўтиш ва ҳисобот юкини камайтиришни ҳам назарда тутади.
, Ўзбекистоннинг замонавий тарихидаги илк ялпи рўйхатга олишнинг дастлабки натижаларига кўра, мамлакат аҳолиси сони 39 миллион кишидан ошган.