Иқтисодиёт
Ўзбекистон узуми ва қовунининг янги жўнатмалари Буюк Британияга етиб борди
Ўзбекистонда етиштирилган узум ва қовунларнинг янги туркумлари Буюк Британияга етказиб берилди, ҳозирда бозорга «Келин бармоқ» узуми ҳамда «Торпедо», «Кўкча» ва «Оби новвот» қовунлари етказиб берилмоқда, деб хабар берди «Дунё» 9 сентябрь куни.
Буюк Британияга Ўзбекистон узуми ва қовунининг янги жўнатмалари етиб келди
Буюк Британияда жойлашган «Capital Foodservice» компанияси Ўзбекистоннинг Лондондаги элчихонаси кўмагида ушбу етказиб беришларни бошқармоқда. Маҳсулотларни «Uzbekistan Airways» ташимоқда ва етказиб бериш мавсум охиригача давом этиши кутилмоқда. Жўнатмалар маҳаллий мева ва сабзавотларга бўлган талабни ошириш ҳамда мамлакат қишлоқ хўжалиги маҳсулотларининг халқаро бозорлардаги мавқеини мустаҳкамлашга қаратилган.