Ўзбекистон мактабларида болаларга инсультнинг илк белгиларини аниқлаш ўргатилади
1 ноябрдан Ўзбекистон мактабларида «FAST — суперқаҳрамонлар» халқаро дастури жорий этила бошланади. Бошланғич синф ўқувчилари инсульт белгиларини аниқлашни ва қачон тез ёрдамни шошилинч чақириш кераклигини тушунишни ўрганадилар. Бу ҳақда Соғлиқни сақлаш вазирлиги съалум қилди. Биринчи босқичда машғулотлар Тошкентнинг Олмазор туманидаги еттита мактабда ҳамда Самарқанд, Каттақўрғон ва Иштихон туманларидаги олтата мактабда ўтказилади. Дастур мўлжалланган […]
Ўзбекистон мактабларида болаларга инсультнинг илк белгиларини аниқлаш ўргатилади
1 ноябрдан Ўзбекистон мактабларида «FAST — суперқаҳрамонлар» халқаро дастури жорий этила бошлайди. Бўлажак бошланғич синф ўқувчилари инсульт белгиларини аниқлашни ва қачон зудлик билан тез ёрдам чақириш кераклигини тушунишни ўрганишлари мумкин бўлади. Бу ҳақда Соғлиқни сақлаш вазирлиги маълум қилди.
Биринчи босқичда машғулотлар Тошкент шаҳрининг Олмазор туманидаги еттита мактабда ҳамда Самарқанд шаҳри, Каттақўрғон ва Иштихон туманларидаги олтата мактабда ўтказилади. Дастур биринчи синфдан тўртинчи синфгача бўлган ўқувчиларга мўлжалланган.
Болаларга инсультнинг учта асосий белгиси: юз асимметрияси, қўлдаги ожизлик ва нутқнинг бузилиши бўйича уни қандай аниқлаш мумкинлиги айтиб берилади. Бундай симптомлар пайдо бўлганда, дарҳол катталарга хабар бериш ва 103 рақами орқали тез ёрдам чақириш керак.
Машғулотлар қаҳрамонлар ва видеоматериаллардан фойдаланган ҳолда ўйин шаклида ўтказилади. Болалар, шунингдек, хавфли симптомларни ўз вақтида аниқлашга ёрдам бериш учун олган билимларини ота-оналари, буви ва боболарига улашишлари мумкин бўлади.
Дастур Angels Initiative халқаро ташаббуси томонидан ишлаб чиқилган. У дунёнинг 40 га яқин мамлакатида икки миллиондан ортиқ болани қамраб олган.
Дастурнинг жорий этилиши 2026 йил январ ойида қабул қилинган Инфаркт ва инсультга қарши курашиш бўйича миллий дастурда назарда тутилган.