Ўзбек футболи афсонаси Акопянц "Ростов" академияси спорт директори бўлди

2 соат олдин

Ўзбекистон миллий терма жамоасининг собиқ футболчиси Андрей Акопянц Россиянинг "Ростов" футбол клуби академияси спорт директори этиб тайинланди. Бу ҳақда жамоа матбуот хизмати хабар берди.

Акопянц клубни жуда яхши билади: 2000-йилларнинг бошида у "Ростов" таркибида 116 та ўйин ўтказиб, бешта гол урган. 2017 йилдан буён мутахассис клубнинг болалар ва ўсмирлар спорт мактабида мураббий бўлиб ишлаб, турли ёшдаги жамоалар билан шуғулланиб келаётган эди.

Ўзбекистонда Акопянц "Пахтакор", Самарқанднинг "Динамо", "Нефтчи" ва "Бухоро" клубларида тўп сурган. Миллий терма жамоа сафида у 40 та ўйин ўтказиб, олтита гол урган. 1999 йилда у Ўзбекистоннинг энг яхши футболчиси деб топилган.

Бугун Ўзбекистон терма жамоаси ўртоқлик учрашувида Сурияни 4:1 ҳисобида мағлуб этди. Ҳусайн Норчаев дубл қайд этди.