Ноябр илиқ боşланади, кейин совийди: қор ҳам ёğиşи мумкин
Öзбекистонда ноябрнинг биринçи öн кунлиги нисбатан илиқ бöлиб, кундузги ҳарорат асосан 17–22 даражани таşкил этиşи кутилмоқда. Ойнинг кейинги қисмида ҳаво совийди, айрим кунлари ёмğир қисқа муддатга қорга айланиşи ҳам мумкин.
Ноябр илиқ бошланади, сўнг совийди: қор ҳам ёғиши мумкин
Эълон қилинган ойлик прогнозга кўра, 2026-йил ноябрда ўртача ҳаво ҳарорати иқлим меъёри атрофида, айрим жойларда эса ундан 1–1,5 даража юқори бўлади.
Биринчи ўн кунликда ҳаво илиқ бўлади
Ойнинг дастлабки ўн кунлигида ҳарорат асосан шундай бўлиши кутилмоқда: кечалари 5–10 даража илиқ, кундузлари 17–22 даража илиқ.
Иккинчи ва учинчи ўн кунликларда ҳарорат фони пасаяди. Кечалари ҳарорат 3–8 даража илиқдан 2 даража совуқ - 3 даража илиққача, кундузлари эса 15–20 даража илиқдан 5–10 даража илиққача ўзгариб туради.
Қор ёғиши ҳам истисно этилмаяпти
Ноябрнинг айрим кунларида асосан ёмғир кўринишида ёғингарчилик бўлиши мумкин. Ҳаво совиган даврларда ёмғирнинг қисқа муддатга қорга айланиши ҳам истисно қилинмаган.
Ойлик ёғингарчилик миқдори меъёр атрофида, баъзи жойларда эса меъёрдан кам бўлиши прогноз қилинмоқда.
Кўп йиллик иқлим маълумотларига кўра, ноябрда ўртача ҳаво ҳарорати октябрга нисбатан 6–7 даража, шимол ва чўл ҳудудларида эса 8–9 даража паст бўлади. Шимолдан ва шимоли-ғарбдан совуқ ҳаво кириб келиши кучайиб, илиқ даврлар кескин совишлар билан алмашиши мумкин.
Кузатувлар тарихида 2023-йил ноябри Ўзбекистондаги энг илиқ ноябр бўлган. Ўшанда ўртача ойлик ҳарорат иқлим меъёридан 3–6 даража юқори қайд этилган.
2011-йил ноябри эса мамлакатнинг катта қисмида рекорд даражада серёғин келган. Масалан, Тошкентда ойлик меъёр 51 миллиметр бўлган ҳолда, 167 миллиметр ёғингарчилик кузатилган.
Бу тарихий кўрсаткичлар ноябр об-ҳавосининг ўзгарувчанлигини акс эттиради; жорий йил учун прогнозда эса ҳароратнинг меъёр атрофида ёки бироз юқори бўлиши кутилмоқда.