Нега бир хил калорияли овқат организмга ҳар хил таъсир қилади?
Калорияси ва асосий озуқа моддалари миқдори бир хил бўлган икки хил таом организмда турлича реаксия уйғотди. АҚШда ўтказилган тажрибада чуқур қайта ишланган маҳсулотлардан тайёрланган овқатдан кейин қондаги инсулин миқдори кучлироқ ва узоқроқ ошгани кузатилди.
Нега бир хил калорияли овқат организмга турлича таъсир қилади?
Тадқиқот Виржиния политехника институти ҳузуридаги Фралин биотиббий тадқиқотлар институти олимлари томонидан ўтказилган.
Тажриба давомида 18 ёшдан 45 ёшгача бўлган 57 нафар соғлом кўнгилли қатнашган. Олимлар улар учун ҳар бири 300 килокалориядан иборат икки хил овқат тайёрлаган. Таомлардаги оқсил, ёғ, углевод, сув ва туз миқдори бир-бирига мослаштирилган.
Асосий фарқ маҳсулотларнинг қайта ишланиш даражасида бўлган.
Бир хил калория — икки хил овқат
Биринчи таомлар тўплами кам қайта ишланган маҳсулотлардан — банан, қуритилган клюква, пишлоқ ва тухумдан иборат бўлган.
Иккинчи тўпламга эса чуқур қайта ишланган маҳсулотлар: ерёнғоқ пастали сендвич, курка гўшти маҳсулоти, чипс, печене ва тез тайёрланадиган картошка пюреси киритилган.
Олимлар шу орқали овқатнинг фақат калорияси ва озуқавий таркибини ҳисоблаш организм реаксиясини олдиндан баҳолаш учун етарлими, деган саволни ўрганган.
Инсулинга таъсири қандай бўлди?
Иштирокчиларнинг энергия сарфини аниқ ўлчаш учун махсус ёпиқ метаболик камералардан фойдаланилган. Овқатланишдан олдин ва кейин улардан бир неча бор қон намуналари олинган.
Натижаларга кўра, чуқур қайта ишланган маҳсулотлардан иборат овқатдан кейин инсулин даражаси кучлироқ кўтарилиб, юқори ҳолатда узоқроқ сақланган.
Шунингдек, икки хил овқат организмнинг энергия сарфи ва углеводлардан энергия олиш жараёнига турлича таъсир кўрсатган. Чуқур қайта ишланган таомдан кейин овқатни ўзлаштириш билан боғлиқ энергия сарфи юқорироқ бўлган.
Мия реаксияси ҳам ўрганилди
Тадқиқотнинг алоҳида босқичида иштирокчиларга таомлар суратлари кўрсатилган ва функсионал магнит-резонанс томография ёрдамида мия фаолияти кузатилган.
Тақдим этилган хабарга кўра, олимлар миянинг мукофот ҳисси, ўрганиш ва одатлар шаклланиши билан боғлиқ соҳаларида, жумладан, вентрал стриатум ва ундаги