Назарбекдан Çорсуга янги автобус йöналиşи оçилиşи режалаşтирилмоқда
Назарбек орқали Çорсу савдо марказига қатновçи 163-сонли автобус йöналиşини таşкил этиş режалаşтирилган. У Тöқимаçилар маҳалласи, Назарбек ва Тарнов ҳудудларини қамраб олади. Янги йöналиşлар уçун харид қилинаётган 54 та автобус 2026-йил ноябр охиригаçа етиб келиşи кутилмоқда.
Назарбекдан Çорсуга янги автобус йўналиши очилиши режалаштирилмоқда
Тошкент шаҳар Транспорт ва йўл-транспорт инфратузилмасини ривожлантириш бошқармаси бу ҳақда ижтимоий тармоқлардаги мурожаатга жавобан маълум қилди. Унда Назарбекда жамоат транспорти етишмаслиги, автобусларни узоқ кутишга тўғри келаётгани айтилган ва пойтахтга қатновларни кўпайтириш сўралган.
Бошқарма маълумотига кўра, «Келес Ренесанс» МЧЖ Хитойнинг Зҳонгтонг компанияси ишлаб чиқарадиган 54 та янги автобусни харид қилиш бўйича шартнома имзолаган. Дастлабки тўловлар ҳам амалга оширилган.
Автобусларни Тошкент вилоятининг Тошкент ва Зангиота туманларини пойтахт билан боғловчи қуйидаги янги йўналишларга бириктириш кўзда тутилган:
Йўналишлар брутто-шартнома асосида ташкил этилиши режалаштирилмоқда. Хусусан, 163-сонли автобус Тўқимачилар маҳалласи, Назарбек ва Тарнов ҳудудлари, Шифобахш сувлар ҳамда Беруний кўчалари орқали ҳаракатланиши кўзда тутилган.
Бошқарма янги қатновлар автобус кутиш вақтини қисқартириши ва амалдаги йўналишлардаги йўловчилар юкламасини камайтиришини кутмоқда. Бироқ йўналишларнинг ишга тушиш санаси ҳозирча аниқ кўрсатилмаган: ноябр охиригача бўлган муддат автобусларнинг етиб келишига тааллуқли.
Ҳозирда Зангиота туманини Тошкент шаҳри билан боғловчи 15 та автобус йўналиши брутто-шартнома асосида ишламоқда.
Жумладан, 134-сонли «Боғишамол маҳалласи - Чилонзор метроси» йўналишида 11 та катта сиғимли Ютонг газ автобуси хизмат кўрсатади. Бошқарма келтирган маълумотга кўра, улар кунига 134 та қатновни амалга оширади, ўртача ҳаракат оралиғи 13 дақиқани ташкил этади.
135-сонли йўналишда эса тўққизта САЗ ЛЕ-60 автобуси кунига 119 та қатновни бажаради. Уларнинг ҳаракат оралиғи 14 дақиқа деб кўрсатилган.
Шунингдек, аҳолига 1253-сонли «Тўқимачилар-15 - Чилонзор метроси» ва 1254-сонли «Тўқимачилар-15 - Чорсу савдо маркази» йўналишли таксилари ҳам хизмат кўрсатмоқда.