НАСАнинг ҳалокат ёқасидаги телескопини қутқариш операцияси муваффақияциз якунланди

НАСАнинг ҳалокат хавфи остидаги телескопни қутқариш уриниши муваффақияциз тугади

НАСАнинг Ер атмосферасига қулаб тушиш хавфи остида бўлган Свифт космик обсерваториясини сақлаб қолиш учун юборилган хусусий аппарат телескопга 15 километргача яқинлашди.

Каталйст Спасе Течнологиес компанияси яратган Линк аппарати 2-сентябр куни Свифтъга энг яқин масофага етиб бориб, уни суратга олди. Аммо аппаратда телескопни баландроқ орбитага олиб чиқишга етарли ёнилғи қолмаган эди.

Свифтъни қутқариш бўйича миссия август ойи ўрталаридаёқ бекор қилинган бўлса-да, Линк аппарати кейинги космик хизмат кўрсатиш технологияларини синовдан ўтказишда ишлатишда давом этилди.

НАСА ушбу операция учун 30 млн доллар ажратган. Миссия жуда қисқа муддатда — тўққиз ой ичида тайёрланган. Парвоз вақтида Линк бошқарув билан боғлиқ муаммога дуч келиб, назорациз айлана бошлаган. Уни барқарорлаштиришга уриниш чоғида ёнилғининг катта қисми сарфланган.

Свифт обсерваторияси 2004-йилда учирилган. У асосан гамма-нурланиш портлашлари ва бошқа юқори энергияли космик ҳодисаларни кузатиш учун мўлжалланган.

Сўнгги йилларда Қуёш фаоллигининг кучайиши сабаб Ер атмосферасининг юқори қатламлари кенгайиб, паст орбитадаги аппаратларга таъсир қилувчи қаршилик ортган. Шу боис Свифт режалаштирилганидан тезроқ пастлаяпти.

Обсерваторияда ўз орбитасини мустақил равишда кўтаришга мўлжалланган двигател йўқ. НАСА ҳисоб-китобига кўра, Свифт 2026-йил октябридан йил охиригача Ер атмосферасига кириб, ёниб кетиши мумкин.

Шунга қарамай, НАСА обсерваториянинг айрим илмий ускуналарини қайта ишга туширди ва у орбитадан чиқиб кетгунига қадар кузатувларни давом эттирмоқда.

Аввалроқ НАСА Свифт телескопининг Ерга тушиб кетишини тўхтатиш учун орбитага махсус робот аппарат юборганди. Линк телескопга яқинлашиб, уни ушлаб олиши ва тахминан 360 километр баландликдаги орбитадан 600 километрга яқинроқ орбитага кўтариши режалаштирилган эди.