Модрич: “Кичик давлат вакиллари ъОлтин тўпъни ютиш учун икки баробар кўпроқ ишлаши керак”
Модрич: “Кичик давлат вакиллари ъОлтин тўпъни ютиш учун икки баробар кўпроқ ишлаши керак”
Италиянинг “Милан” клуби ва Хорватия терма жамоаси яримҳимоячиси Лука Модрич ўзи қўлга киритган “Олтин тўп” мукофоти ҳақида ўз фикрларини билдирди.
Хорватиялик футболчи “Олтин тўп”ни энг юксак шахсий соврин деб атади. У, айниқса, бу мукофотни Лионел Месси ва Криштиану Роналду даврида қўлга киритгани унинг учун жуда қадрли эканини таъкидлади.
“Бу — энг буюк шахсий соврин. Футболда бундан каттаси йўқ. Айниқса, Месси ва Роналду каби феноменлар даврида ўйнаб, Неймар ёки Бензема сингари юлдузлар билан рақобатда бу совринни ютиш — шунчаки фантастика. ъОлтин тўпъ соҳиблари қаторида турганимдан чексиз фахрланаман”, дейди Модрич АС нашрига берган интервюсида.
Шунингдек, Модрич кичик мамлакатлар вакиллари учун бу совринни қўлга киритиш алоҳида қийинчилик талаб қилишини айтиб ўтди:
“Биз кичик давлатдан бўлганимиз учун, Испания, Италия, Германия ёки Франсия каби йирик мамлакатлар футболчиларига нисбатан ъОлтин тўпъни ютишимиз анча қийин. Бунинг учун икки баробар кўпроқ ишлашимизга тўғри келади. Шу сабабли бу эътирофдан янада кўпроқ фахрланаман. Лекин ҳар доим айтганман ва яна такрорлайман: энг муҳими — жамоавий ютуқлар. ъОлтин тўпъ эса ъРеалъ ва Хорватия терма жамоасидаги ажойиб мавсумим учун шунчаки ёқимли эътироф бўлган”.
Эслатиб ўтамиз, Модрич ушбу нуфузли мукофотни 2018-йилда “Реал” сафида ўйнаб юрган пайтида қўлга киритган эди. Ўша мавсумда у мадридликлар билан кетма-кет учинчи бор Чемпионлар Лигасида ғолиб чиққан, Хорватия терма жамоаси билан эса Жаҳон Чемпионати финалигача етиб борганди. 2025-йил ёзида яримҳимоячи “Реал” тарихидаги энг кўп соврин ютган футболчи сифатида эркин агент мақомида “Милан”га ўтди.
Маълумот учун, ҳозирда “ПСЖ” ҳужумчиси Усмон Дембеле ушбу совриннинг амалдаги эгаси ҳисобланади. Мутлақ рекордчи эса Лионел Месси бўлиб турибди (8 марта). Унинг энг яқин таъқибчиси Криштиану Роналдуда 5 та “Олтин тўп” бор. Жорий йилги “Олтин тўп” соврини учун номзодлар рўйхати 8-сентябр куни эълон қилинади. Тақдирлаш маросими эса 26-октябр куни Лондонда бўлиб ўтиши белгиланган.