Мирзиёев: Ўзбекистон билан меҳнат миграцияси соҳасида ҳамкорлик қилаётган мамлакатлар сони 27 тага етди
Ўзбекистон Президенти Шавкат Мирзиёев меҳнат миграцияси масалаларига бағишланган йиғилиш ўтказмоқда. Учрашув давомида давлат раҳбари фуқароларни хорижда иш билан таъминлаш имкониятларини кенгайтириш ва уларнинг касбий малакасини ошириш бўйича асосий вазифаларни белгилаб берди. Президентнинг сўзларига кўра, жаҳон меҳнат бозори ўзгармоқда ва бугунги кунда ўз мамлакатларидан ташқарида 168 миллион киши меҳнат қилмоқда. Ўзбекистонда ҳам ишга жойлашишни хоҳловчи фуқаролар бор […]
Мирзиёев: Ўзбекистон билан меҳнат миграцияси соҳасида ҳамкорлик қилаётган мамлакатлар сони 27 тага етди
Ўзбекистон Президенти Шавкат Мирзиёев меҳнат миграцияси масалаларига бағишланган йиғилиш ўтказмоқда. Учрашув давомида давлат раҳбари фуқароларни хорижда иш билан таъминлаш имкониятларини кенгайтириш ва уларнинг касбий малакасини ошириш бўйича асосий вазифаларни белгилаб берди.
Президентнинг сўзларига кўра, жаҳон меҳнат бозори ўзгармоқда ва бугунги кунда ўз мамлакатидан ташқарида 168 миллион киши меҳнат қилмоқда. Ўзбекистонда ҳам хорижда ишга жойлашишни хоҳловчи фуқаролар бор, айни пайтда бир қатор хорижий давлатлар ишчи кучига эҳтиёж сезмоқда. Масъул идоралар ва ҳудудлар раҳбарларининг асосий вазифаси — ушбу имкониятлар ўртасида ҳамкорликни йўлга қўйишдан иборат.
«Инсон ўз касбини мукаммал билиши, ўз қадрини билиши ва ўз мамлакатига суяна олиш имкониятига эга бўлиши керак!» — деб таъкидлади Шавкат Мирзиёев.
Қайд этилишича, сўнгги йилларда уюшган меҳнат миграциясига бўлган ёндашув сезиларли даражада ўзгарди. Илгари ҳамкорлик учта давлат билан олиб борилган бўлса, эндиликда уларнинг сони 27 тага етди. Ўзбекистон билан ҳамкорлик қилаётган йирик хорижий иш берувчилар сони 400 тага яқинлашди.
Шунингдек, миграция кўрсаткичларининг ўзгариши бўйича маълумотлар келтирилмоқда. Сўнгги ўн йил ичида хорижда меҳнат қилаётган Ўзбекистон фуқаролари сони икки бараварга камайди, улар томонидан ўз оилаларига юборилаётган пул ўтказмалари ҳажми эса тўрт бараварга ошди.
Президент таъкидлаганидек, бу халқаро меҳнат бозорида ўзбекистонлик мутахассисларга бўлган муносабат ўзгарганидан далолат беради: бугунги кунда улар хорижга нафақат оддий ишчи, балки малакали мутахассис сифатида ҳам жўнаб кетмоқдалар.