Мирмансур Мирхамидов ички ишлар вазирининг биринчи ўринбосари бўлди
Мирмансур Мирхамидов ички ишлар вазирининг биринчи ўринбосари — Тезкор-қидирув департаменти бошлиғи бўлди. Бунгача у ушбу департамент бошлиғининг биринчи ўринбосари лавозимида ишлаб келаётган эди.
Мирмансур Мирхамидов ички ишлар вазирининг биринчи ўринбосари этиб тайинланди
Мирмансур Миршахидович Мирхамидов ички ишлар вазирининг биринчи ўринбосари лавозимига тайинланди, деб хабар бермоқда президент матбуот хизмати.
У айни пайтда вазирликнинг Тезкор-қидирув департаментига ҳам раҳбарлик қилади.
Август ойида Мирмансур Мирхамидов Ўзбекистон мустақиллигининг 35 йиллиги муносабати билан ҳарбий хизматчилар ва ҳуқуқни муҳофаза қилиш органлари ходимларини мукофотлаш ҳақидаги президент фармонида тилга олинган эди. Ҳужжатда у ИИВ Тезкор-қидирув департаменти бошлиғининг биринчи ўринбосари сифатида кўрсатилган.
22-августдаги фармон билан Мирхамидов “Жасорат” медали билан тақдирланган.
Бунгача ушбу лавозимни 2026-йил 28-январдан буён Ботир Қудратхўжаев эгаллаб келаётганди.
У 12-октабр куни мудофаа вазири этиб тайинланди.
Ўзбекистон ички ишлар вазирлигига 2025-йил мартида ушбу лавозимга тайинланган Азиз Ташпулатов раҳбарлик қилмоқда.