Марказий банк асосий ставкани 14 фоиз даражасида сақлаб қолди
Йиллик инфляция 6,4 фоиз бöлиб турган, инфляцион кутилмалар эса пасайиşда давом этаётган бöлса-да, Марказий банк наздида юқори иçки талаб ва жаҳон бозорларидаги нархлар öзгарувçанлиги инфляцион хатарларни куçайтирмоқда.
Марказий банк асосий ставкани 14 фоиз даражасида сақлаб қолди
Ўзбекистон Марказий банки бошқаруви 4-ноябр куни бўлиб ўтган йиғилишда асосий ставкани йиллик 14 фоиз даражасида ўзгаришсиз қолдиришга қарор қилди.
Мазкур ставка 2025-йил март ойидан бери ўзгармай келмоқда.
“Инфляцион кутилмалар пасайиб бораётган ва инфляция даражаси нисбатан барқарорлашган бўлса-да, ички талабнинг юқорилиги ҳамда ташқи иқтисодий шароитлар ўзгариши билан боғлиқ инфляцион хатарларнинг сақланиб қолаётганлиги қатъий пул-кредит шароитларини давом эттиришни тақозо этмоқда”, – дейилади регулятор изоҳида.
Сентабр ойида умумий инфляция йиллик 6,4 фоизни ташкил этиб, август ойига нисбатан бироз тезлашди. Бунга мева-сабзавотлар, ёқилғилар ва айрим хизматлар нархларининг ошиши таъсир кўрсатди. Хизматлар инфляцияси йиллик ҳисобда 7 фоизгача тезлашди. Базавий инфляция ўзгаришсиз 5,5 фоиз даражасида шаклланди.
Сўнгги ойларда инфляция динамикасида таклиф омилларининг таъсири кучайиб бормоқда. Шу билан бирга, йиллик нархлари ўсиши 5 фоиздан юқори бўлган товар ва хизматлар улушининг бироз ортиши инфляцион босимлар сақланиб қолаётганини кўрсатмоқда. Бундай шароитда пул-кредит сиёсати таклиф омиллари таъсирида юзага келиши мумкин бўлган иккиламчи инфляцион таъсирларни чеклашга қаратилган бўлиб қолади.
Аҳоли ва тадбиркорлик субектларининг инфляцион кутилмалари пасайишда давом этди. Хусусан, сентабр ойида аҳолининг келгуси 12 ой учун инфляцион кутилмалари 8,7 фоизни, тадбиркорлик субектларининг кутилмалари эса 9,2 фоизни ташкил этди.
Жаҳон бозорларида озиқ-овқат маҳсулотлари нархларининг юқори ўзгарувчанлиги ва энергия ресурслари нархлари билан боғлиқ хатарлар ташқи инфляцион босимни кучайтирмоқда. Ушбу омилларнинг импорт нархлари, ишлаб чиқариш ва транспорт харажатлари орқали ички нархларга таъсири инфляциянинг пасайиш жараёнини секинлаштириши мумкин.
Иқтисодиётда юқори фаоллик давом этиб, 2026-йилнинг январ–сентабр ойларида иқтисодий ўсиш ўтган йилнинг мос даврига нисбатан 8,3 фоизни ташкил этди. Бунда саноат, қурилиш ва хизматлар соҳалари ўсишнинг асосий драйвери бўлди.