Асосий ставка йиллик 14 фоиз даражасида ўзгаришсиз қолдирилди
Асосий ставкани кўриб чиқиш бўйича навбатдаги йиғилиши 2026-йил 28-октябр кунига белгиланган, дейилади Марказий банк хабарида
Асосий ставка йиллик 14 фоиз даражасида ўзгармасдан қолдирилди
Марказий банк бошқаруви 16-сентябр куни бўлиб ўтган йиғилишда асосий ставкани йиллик 14 фоиз даражасида сақлаб қолиш ҳақида қарор чиқарди.
Инфлясия пасайишда давом этмоқда.
Август ойида умумий инфлясия – 6,2%;
• базавий инфлясия – 5,5%.
Иқтисодиётда айрим мувозанатлашув аломатлари кузатилаётганига қарамай, инфлясион босимлар ҳануз сақланиб қолмоқда.
Хусусан, инфлясион кутилмаларнинг пасайиши умумий инфлясияга нисбатан секинроқ кечмоқда; жаҳон хомашё, озиқ-овқат ва энергия нархларининг юқори даражаси ҳамда тартибга солинадиган нархларни либераллаштириш жараёни асосий инфлясион хатарлар сифатида баҳоланмоқда.
Ижобий реал фоиз ставкалари аҳолининг жамғаришга мойиллигини қўллаб-қувватламоқда. Марказий банк инфлясияни 2027-йил якунига қадар 5% мақсадли кўрсаткичига тушириш учун зарур пул-кредит шароитларини таъминлашда давом этади.
Асосий ставкани кўриб чиқиш бўйича навбатдаги йиғилиш 2026-йил 28-октябр кунига белгиланган, дейилади МБ хабарида.