Лавров Путин ва Зеленскийнинг телефон суҳбати ҳақидаги хабарни рад этди
Россия таşқи иşлар вазири Сергей Лавров Кремл Путин ва Зеленскийнинг юзма-юз уçраşуви öрнига телефон суҳбати таşкил қилмоқçи экани ҳақидаги хабарни рад этди. Бироқ Путин телефон мулоқотига тайёрми, деган саволга бевосита жавоб бермади.
Лавров Путин ва Зеленский ўртасидаги телефон суҳбати ҳақидаги хабарни инкор этди
ДВ мухбири Тҳе Кьив Индепендент нашрининг украиналик мансабдорларга таянган ҳолда эълон қилган хабари ҳақида сўраганида, Лавров «Уларга ишонманг», деган. Шундан сўнг у Путиннинг аввалги позициясини такрорлаб, агар Зеленский учрашишни истаса, Москвага келиши кераклигини айтган.
Журналист икки раҳбар декабрда Маямида бўлиб ўтадиган Г20 саммитида учрашиши мумкинлигини ҳам сўраган. Лавров Украина «Катта йигирматалик» аъзоси эмаслигини эслатиб, Москвага келиш ҳақидаги гапини яна такрорлаган.
Бундан бир неча соат аввал Тҳе Кьив Индепендент Украинадаги юқори мартабали мансабдорларга таяниб, Москва юзма-юз учрашувни телефон суҳбати билан алмаштиришга интилаётганини ёзган эди. Нашр манбаларидан бири Россия томони бундай мулоқотни ташкил қилишга аввал ҳам уринганини билдирган.
Нашр бу тахминга асос сифатида Кремл матбуот котиби Дмитрий Песковнинг 30-октабрдаги баёнотини ҳам келтирган. Песков Путин «барча билан мулоқотга тайёр» эканини айтган. Россия президенти Зеленскийнинг қўнғироғига жавоб берадими, деган саволга эса «Ҳозирча ҳеч ким қўнғироқ қилмади», деб жавоб берган.
Тҳе Кьив Индепендент суҳбатдошлари телефон суҳбати билан чекланиш асосий масалалар бўйича музокаралардан қочишга уриниш бўлиши мумкинлигини айтган. Уларнинг фикрича, муҳим келишувлар ва хавфсизлик кафолатлари учун АҚШ иштирокидаги уч томонлама формат ҳамда европаликларнинг музокараларга жалб қилиниши зарур.